დღეიდან საქართველოს ზოგიერთ რაიონში, ასევე, დედაქალაქში, ჰაერში მყარი ნაწილაკების მატება, ძირითადად, ტრანსსასაზღვრო დაბინძურებას უკავშირდება და იგი, დიდი ალბათობით, ყარაყუმის უდაბნოდან (ცენტრალურ აზია) მტვრის მასების გავრცელებითაა გამოწვეული. ამის შესახებ განცხადებას გარემოს ეროვნული სააგენტო ავრცელებს.
სააგენტოში აღნიშნავენ, რომ პროცესის მიზეზი სინოპტიკოსების მიერ ზუსტდება, რაც გარკვეულ დროს საჭიროებს.
აღსანიშნავია, რომ ტრანსსასაზღვრო დაბინძურება, წლის განმავლობაში, გარკვეულ დღეებში ანალოგიური სინოპტიკური სიტუაციის დროს ფიქსირდება და მეტეოროლოგიური მოვლენაა.