გერმანია გაზის მოხმარების შესამცირებლად ახალ მექანიზმებზე მუშაობს. გეგმა მოხმარების 2%-იან შემცირებას გულისხმობს.
გასულ კვირას ეკონომიკის მინისტრმა რობერტ ჰაბეკმა გაზეთ Sueddeutsche Zeitung-ს განუცხადა, რომ სახელმწიფო მუშაობს ენერგიის დაზოგვის გარკვეულ ზომებზე, როგორიცაა საზოგადოებრივი შენობების გათბობა მხოლოდ 19 გრადუს ცელსიუსამდე.
ახალი ზომების თანახმად, დერეფნები ან დიდი დარბაზები საერთოდ არ უნდა გათბეს, გარდა საავადმყოფოებისა და მოვლის სახლებისა, განუცხადეს სამინისტროს ოფიციალურმა წარმომადგენლებმა Reuters-ს. კერძო აუზები შეიძლება აღარ გაცხელდეს, ხოლო შენობებისა და მემორიალების განათება უნდა გამორთოთ ელექტროენერგიის დაზოგვის მიზნით.
განათებული რეკლამა ასევე უნდა გაითიშება ყოველდღე 22:00სთ-დან 06:00სთ-მდე.
გერმანიის შინამეურნეობების დაახლოებით ნახევარი გათბობისთვის გაზზეა დამოკიდებული და ელექტროენერგიის დაახლოებით 13% მიღებულია წიაღისეული საწვავიდან. გაზი ასევე შეადგენს ინდუსტრიის ენერგიის მესამედს. ბოლო წლებში ამ გაზის ნახევარი რუსეთიდან მოდის.
გერმანიამ უნდა შეამციროს გაზის მოხმარება 20%-ით ვიდრე ეს უკრაინაში შეჭრიამდე იყო, რათა ზამთარი გაზის რაციონირების გარეშე გადაიტანოს.
მოსალოდნელია, რომ დანაზოგი სამრეწველო და საცხოვრებელ სექტორებში შეამცირებს მოხმარებას 5-10%-ით, ხოლო გაზზე მომუშავე ელექტროსადგურების ქვანახშირით ჩანაცვლება კიდევ 3-5%-ით. გაზის მაღალი ფასების გათვალისწინებით მოხმარება უკვე 8%-ით შემცირდა.
გერმანია ასევე დაეყრდნობა გაზის საწყობებს და თხევადი ბუნებრივი აირის (LNG) ტერმინალებს ზამთრის ცივი თვეების გადასატანად, როდესაც გაზის მოხმარება იზრდება.