ბოლო ათწლეულის განმავლობაში იმუნურმა თერაპიებმა სიმსივნის მკურნალობის სფეროში რევოლუციური გავლენა იქონია. თუმცა, European Heart Journal-ში გამოქვეყნებული კვლევა მოწმობს, რომ იმუნურმა თერაპიებმა შსაძლოა მთელი რიგი გვერდითი მოვლენები გამოიწვიოს.
პაციენტებს, რომლებმაც Merck & Co-ს Keytruda ან Bristol-Myers Squibb Co-ს Opdivo იმუნური თერაპიები ჩაუტარდათ, მკურნალობის დაწყებიდან ერთი წლის განმავლობაში კარდიოლოგიური გართულებები გამოუვლინდათ. ფილტვის სიმსივნით დაავადებულთა თითქმის 10% -ს და ავთვისებიანი მელანომის მქონე პაციენტების დაახლოებით 7% -ს გულისცემის დარღვევა და რიგ შემთხვევაში ფატალური გულის შეტევაც განუვითარდათ. კვლევის შედეგად გამოვლენილი რისკის დონე ამ წამლების უსაფრთხოების კვლევების წინა შეფასებებს აჭარბებს.
კვლევა, რომლიც თავისი მასშტაბით ერთ-ერთი პირველი იყო, 2011-2017 წლებში ამ ორი ტიპის სიმსივნით დიაგნოზირებულ 38000-ზე მეტ პაციენტს დაეფუძნა, რომელიდ დანიის ეროვნულ რეესტრში ფიქსირდებოდა. კვლევა დააკვირდა ფილტვის კიბოთი დაავადებულ პაციენტებს, რომლებმაც მიიღეს Keytruda ან Opdivo, ან Bristol-Myers-ის Yervoy.
იმუნური თერაპიის სხვა მწარმოებლები არიან Regeneron Pharmaceuticals, რომელსაც აქვს PD-1 პრეპარატი Libtayo და Roche Holding AG, რომელიც Tecentriq-ისგან ოდნავ განსხვავებულ ვარიანტს, PD-L1 ინჰიბიტორს ქმნის.
Bloomberg-ის ორიგინალური სტატიის ავტორი: ტიმ ლოჰი