ვიეტნამური ელექტრომობილების მწარმოებელი VinFast-ი გაზზე მომუშავე მანქანების წარმოებას აგვისტოს ბოლოს შეწყვეტს. კომპანია ზრდის ელექტრო სპორტული ავტომობილების გლობალურ გაყიდვებს და გეგმავს ქარხნის გახსნას შეერთებულ შტატებში.
კომპანიამ შეწყვიტა გაზზე მომუშავე მანქანების გაყიდვა მას შემდეგ, რაც მომხმარებლებმა შეუკვეთეს Lux-ისა და Fadil-ის მანქანების ბოლო პარტია. განცხადების თანახმად, აგვისტოს ბოლომდე VinFast-ი კონცენტრირებული იქნება წარმოებაზე, რათა შეასრულოს წინასწარი შეკვეთები და გადავიდეს ელექტრომობილების სრულფასოვან ბიზნესზე.
ავტომწარმოებელმა, რომელსაც მხარს უჭერს ვიეტნამის უმდიდრესი ადამიანი, ფამ ნათ ვუონგი, გახსნა ექვსი შოურუმი კალიფორნიაში. კომპანია ცდილობს შეაღწიოს აშშ-ის ბაზარზე, სადაც Tesla დომინირებს.
VinFast-მა, რომელიც მილიარდერმა 2017 წელს დააარსა, 2019 წელს დაიწყო გაზზე მომუშავე მანქანების წარმოება. კომპანიას 73,000 ჯავშანი აქვს ელექტრო მანქანებისთვის მთელს მსოფლიოში, აქვს ქარხანა ჰაი ფონგში, ჩრდილოეთ ვიეტნამში და არის ქვეყნის ერთადერთი ავტომწარმოებელი. 2020 და 2021 წლებში მან 65000-ზე მეტი გაზზე მომუშავე მანქანა გაყიდა.
VinFast-მა მიმდინარე კვირაში ხელი მოაწერა ხელშეკრულებებს ბანკებთან, რათა შეაგროვოს სულ მცირე $4 მილიარდი აშშ-ის ბაზარზე გასაფართოებლად. კომპანიამ ასევე მიიღო დაახლოებით $1,2 მილიარდის სტიმული ჩრდილოეთ კაროლინისგან შტატში დაგეგმილი ელექტრომომარაგების ქარხნისთვის, სადაც წარმოების დაწყებას 2024 წელს აპირებს.
Bloomberg-ის ორიგინალური სტატიის ავტორი: ნგუენ კიეუ გიანგი