თურქეთის სახელმწიფო გაზის კომპანიამ მიიღო 925 მილიონი ევროს ოდენობის ($929 მილიონი) სესხი Deutsche Bank-სგან თხევადი ბუნებრივი აირის შესყიდვისთვის. ქვეყნის მიზანი რუსულ ენერგოიმპორტზე დამოკიდებულების შემცირებაა.
სამწლიანი სესხი საშუალებას აძლევს Botas-ს, შეიძინოს LNG წინასწარ შეთანხმებული მომწოდებლებისგან 10 ქვეყანაში, მათ შორის აშშ-ში, ალჟირსა და ყატარში, ნათქვამია Deutsche Bank-ის განცხადებაში. დაფინანსება გარანტირებულია თურქეთის მთავრობის მიერ და შეიძლება გაიზარდოს მომავალში.
გარიგება წარმოადგენს პირველ საერთაშორისო სესხს მილსადენის სახელმწიფო ოპერატორის მხრიდან LNG-ის იმპორტისთვის. მიუხედავად იმისა, რომ სესხი დააფინანსებს თურქეთის გაზის მოხმარების მხოლოდ ნაწილს, ის გზას გაუხსნის მსგავს გარიგებებს. ეს კი Botas-ს საშუალებას მისცემს, დივერსიფიკაცია გაუწიოს მიწოდებას, სადაც ამჟამად დომინირებენ რუსეთი და ირანი.
სესხის გაცემა Botas-სთვის გადამწყვეტ დროს მოხდა. თურქულ კომპანია დაზარალდა გაზის ფასების ზრდით, რომლის გადაცემას მომხმარებლებზე ცდილობდა. ხელისუფლება კი ცდილობს 24 წლიან მაქსიმუმზე მყოფი ინფლაციის შეკავებას გადამწყვეტი საარჩევნო წლის წინ. Botas-მა განაცხადა, რომ გაზს შიდა მომხმარებლებზე ღირებულების 30%-ით ყიდის.
პირველ კვარტალში მთავრობამ Botas-ში უფრო მეტი თანხა ჩადო, ვიდრე 2021 წელს. კომპანია ასევე იყო $18 მილიარდის სახელმწიფო კომპანიებს შორის უმსხვილესი მიმღები ცენტრალური ბანკის სავალუტო გაყიდვებით მიმდინარე წლის პირველ ნახევარში, რამაც ზეწოლა გამოიწვია თურქეთის ოქროს რეზერვებზე.
Botas-ი გამოიყენებს სესხს LNG-ის შესაძენად გერმანიის, საფრანგეთის, იტალიის, ესპანეთის, შვეიცარიის, სინგაპურის და დიდი ბრიტანეთის მომწოდებლებისგან.
Bloomberg-ის ორიგინალური სტატიის ავტორი: ერქან ერსოი