SOLO მომხმარებლების ინტერესებსა და სურვილებზე მორგებული სიახლეების შეთავაზებას განაგრძობს. 1 ივნისს, ბავშვთა დღეს, SOLO Sunday-სა და შუმბალენდის ერთობლივი პროექტის ფარგლებში, ვაკის პარკში საბავშვო მარკეტი - SOLO Kids Market გაიმართება.
ღონისძიებაზე ახალგაზრდა მეწარმეები საკუთარ პროდუქციას ისეთი კატეგორიებიდან წარადგენენ, როგორიცაა: კრაფტი, საბავშვო ტანსაცმელი, ხელნაკეთი სამკაული, აქსესუარები, სათამაშოები, კვება და სხვა. პროდუქციის შეძენა ადგილზე 14:00-21:00 საათამდე პერიოდში იქნება შესაძლებელი.
საქართველოს ბანკის ინფორმაციით, შუმბალენდის ტერიტორიაზე ასევე დაგეგმილია SOLO Sunday-ს კუთხე, სადაც მთელი დღის განმავლობაში მოეწყობა მრავალფეროვანი მასტერკლასები. ასევე, სახალისო და გასართობი აქტივობები, მუსიკალური შოუ, ბავშვებისთვის ცნობილი და საყვარელი პერსონაჟები ოჩოფეხებზე და სხვა.
„SOLO მხარს უჭერს ახალგაზრდა თაობას და დამწყებ მომავალ მეწარმეებს. მსგავსი ინიციატივების ფარგლებში, ჩვენი მიზანია ხელი შევუწყოთ მათთვის საერთო სივრცის შექმნას, რათა ახალგაზრდებმა შეძლონ საყვარელი ჰობის განვითარება, დასახული მიზნებისა თუ ოცნებების რეალობად ქცევა და საკუთარი შემოქმედების ფართო აუდიტორიისთვის გაცნობა. SOLO მათ მომავალშიც არაერთ საინტერესო სიახლეს შესთავაზებს“, - აცხადებს SOLO Lifestyle დეპარტამენტის ხელმძღვანელი ნინო ჩიქოვანი.
ღონისძიების განრიგი:
• 14:00 -16:00 - ხელნაკეთი აქსესუარების შექმნის მასტერკლასი.
• 16:00 - 20:00 - სახის მოხატვის მასტერკლასი.
• 16:00 - 20:00 - ბუშტების მასტერკლასი.
(R)