დიუკის უნივერსიტეტის ოცდაათი სტუდენტი იკრიბება სასწავლო წლის ერთ-ერთი ბოლო გაკვეთილისთვის და TikTok-ის ვიდეოებს იღებენ.
კეთილი იყოს თქვენი მობრძანება Gen Z კოლეჯში.
სოციალური მედიის ვარსკვლავების ახალი თაობა წარმატებას მომგებიან კარიერად აქცევს. ისინი კოლეჯის დამთავრებამდე თვეში ათასობით დოლარს გამოიმუშავებენ. უნივერსიტეტები კი იწყებენ გაკვეთილებს, რათა დაეხმარონ სტუდენტებს ონლაინ ბრენდების პოპულარიზებაში. მიზანი ისეთი კურსების შეთავაზებაა, რომელიც დაეხმარება კოლეჯებს, დარჩნენ აქტუალური ეპოქაში, რომელშიც ხშირად TikTok-ის ანგარიში უფრო ღირებულია, ვიდრე დიპლომი.
დიუკის სრული კურსი, რომელსაც ოფიციალურად უწოდებენ “გლობალური აუდიტორიის შექმნას”, მაგრამ უფრო ცნობილია, როგორც TikTok Class, ასწავლის სტუდენტებს, როგორ გააუმჯობესონ დაიმკვიდრონ თავი სოციალური მედიის აპლიკაციებში. ერთ სემესტრში, პროფესორ აარონ დინინის სტუდენტებმა, ერთობლივად შეაგროვეს 145000 გამომწერი და 80 მილიონი ნახვა ვიდეოებზე.
მეორე კურსის სტუდენტ ნატალია ჰაუზერს დაახლოებით 227,000 გამომწერი ჰყავს, მათგან დაახლოებით 12,000 სემესტრის განმავლობაში მოიპოვა. მისი TikTok-ის ანგარიში (@natisstyle) ეხმარება თვეში $1000-დან $7000-მდე გამომუშავებაში ისეთ ბრენდებთან პარტნიორობით, როგორიცაა Barnes & Noble, Macy's, Canon და Pepsi. ჰაუზერი ზოგიერთი პოსტით $5000-მდე გამოიმუშავებს.
მეორე კურსის სტუდენტი, რომელიც ძირითადად ყურადღებას ამახვილებს სილამაზესა და მოდის რუტინაზე, ისევე როგორც მის ოჯახზე მაიამიში, ამბობს, რომ კურსმა ასწავლა, როგორ მოილაპარაკოს ბრენდებთან და გაარკვიოს, რამდენის გამომუშავება შეუძლია.
სოციალურ მედიაზე ორიენტირებული გაკვეთილები არ არის ახალი კონცეფცია აშშ-ის უნივერსიტეტებში, რადგან პლატფორმებმა, როგორიცაა Twitter, YouTube და Instagram, ითამაშეს ცენტრალური როლი ინფლუენსერების კულტურაში. ციფრული მარკეტინგისა და კომუნიკაციების კურსები კოლეჯის განათლების მნიშვნელოვანი ნაწილი გახდა.
დიუკის კურსთან ერთად, სტუდენტებს მსგავს პროგრამებს სთავაზობენ სამხრეთ კალიფორნიის უნივერსიტეტის ანენბერგის სკოლა და ვირჯინიის უნივერსიტეტი.
ბოლო წლებში სამხრეთ კალიფორნიის უნივერსიტეტის ანენბერგის კომუნიკაციისა და ჟურნალისტიკის სკოლამ შეცვალა სასწავლო გეგმა, რათა ასწავლოს სტუდენტებს, როგორ მიაღწიონ წარმატებას მზარდ ციფრულ სამყაროში. კურსი ეხმარება სტუდენტებს, შექმნან საკუთარი პერსონალური ბრენდი.
დიუკის კლასში, სტუდენტები - რომლებსაც ერთობლივად ჰყავთ დაახლოებით 600,000 გამომწერი პლატფორმებზე - ადარებენ ანალიტიკას და მიზნებს თავიანთი ანგარიშებისთვის და განიხილავენ, რატომ მუშაობს გარკვეული პოსტები კარგად ან ცუდად.
დავალებები მოიცავს TikTok-ის მიმდინარე ტენდენციის გამოყენებას, როგორც შთაგონების წყაროს შესაბამისი ვიდეოსთვის, შემდეგ კი საბოლოო პროდუქტის თანაკლასელებთან გაზიარებას. მათ შეუძლიათ გადაიღონ ვიდეოები საკლასო საათებში, ან გაატარონ დრო ბრენდებთან ურთიერთობისთვის.
ნამდვილად აუცილებელია თუ არა კოლეჯის ხარისხი კონტენტის შემქმნელისთვის, ეს არის კითხვა, რომელსაც ბევრი სავარაუდო სოციალური მედიის ვარსკვლავი დასვამს, განსაკუთრებით სწავლის მაღალი საფასურის გათვალისწინებით. იმავდროულად, პერსონალური TikTok-is პოსტებიდან შემოსავალი შეიძლება მერყეობდეს $2,500-დან $20,000-მდე, რაც დამოკიდებულია გამომწერების რაოდენობასა და მომხმარებლების ჩართულობის მაჩვენებელზე.
კვლევითი კომპანია Statista-ს მონაცემები აჩვენებს, რომ გლობალური ინფლუენსერების ეკონომიკა 2019 წლიდან გაორმაგდა და 2021 წელს რეკორდულ $13,8 მილიარდს მიაღწია.
Bloomberg-ის ორიგინალური სტატიის ავტორები: კლერ ბალენტინი, მისირლენა ეგკოლფოპულო და პაულინა კაჩერო