2022 წლის იანვარ-აპრილში საქართველოში 642,343 საერთაშორისო ტურისტული ვიზიტი განხორციელდა, რაც გასული წლის ანალოგიურ პერიოდთან შედარებით 233.9%-ით მეტია. ტურისტული ვიზიტები პანდემიამდელ 2019 წელთან შედარებით 52.2%-ით აღდგა.
ტურიზმის ეროვნული ადმინისტრაციის მონაცემებით, 2022 წლის 4 თვეში საქართველოს 820,796 საერთაშორისო მოგზაური ეწვია, ზრდა 2021 წლის იანვარი-აპრილთან შედარებით, 272.3%-ია. 2019 წელთან შედარებით კი მაჩვენებელი 36.2%-ით აღდგა.
მხოლოდ მიმდინარე წლის აპრილში საერთაშორისო ტურისტული ვიზიტების რაოდენობამ 182,381 შეადგინა, რაც 140.5%-ით მეტია 2021 წლის აპრილთან შედარებით. ხოლო 2019 წლის აპრილის მაჩვენებლის 52.3%-ია აღდგენილი.
აღსანიშნავია, რომ აპრილის მონაცემებით, რუსი საერთაშორისო ვიზიტორების რაოდენობა გაზრდილია როგორც წლიურ, ისე თვის ჭრილში. მარტთან შედარებით, საქართველოში 48%-ით მეტი რუსი ვიზიტორი შემოვიდა, გასული წლის ანალოგიურ პერიოდის მონაცემებს კი ეს მაჩვენებელი 294%-ით აღემატება.
TOP 10 ქვეყანა საიდანაც აპრილში ყველაზე მეტი საერთაშორისო ვიზიტი განხორციელდა:
- თურქეთი - 35 959 ვიზიტორი;
- რუსეთი - 33 556 ვიზიტორი;
- სომხეთი - 32 228 ვიზიტორი;
- ისრაელი - 15 709 ვიზიტორი;
- უკრაინა - 13 018 ვიზიტორი;
- აზერბაიჯანი - 11 360 ვიზიტორი;
- ბელარუსი - 7 507 ვიზიტორი;
- ყაზახეთი - 6 032 ვიზიტორი;
- ირანი - 5 994 ვიზიტორი;
- უზბეკეთი - 3 291 ვიზიტორი.