სახელმწიფოს მიერ კონტროლირებადი ავიაკომპანია Air Serbia რუსეთში ფრენებს "პრინციპულად" შეინარჩუნებს, მიუხედავად იმისა, რომ დაბომბვის ხშირი საფრთხე მის მუშაობას არამომგებიანს ხდის. ამის შესახებ სერბეთის პრეზიდენტმა ალექსანდრ ვუჩიჩმა განაცხადა.
თითქმის ყველა რეისი, რომელიც რუსეთის მიმართულებით მიფრინავს, ანონიმურ მუქარებს იღებს. სერბეთი ევროპულ ქვეყნებს შორისაა, რომლებიც, უკრაინაში შეჭრის გამო, არ შეუერთდნენ საერთაშორისო სანქციებს მისი მოკავშირის, რუსეთის წინააღმდეგ. მისი ავიაკომპანია მოსკოვსა და სანქტ-პეტერბურგში ფრენებს აგრძელებს.
ბლოკადის შემდეგ რუსეთში გაზრდილი მოთხოვნის გამო, მარტის დასაწყისში Air Serbia-მ ფრენები გააორმაგა, მაგრამ საზოგადოების მხრიდან კრიტიკის შემდეგ, ომამდელ განრიგს დაუბრუნდა. ვუჩიჩი იმ დროს წუხდა, რომ თურქეთის, არაბეთის გაერთიანებული საამიროების და კატარის ავიაკომპანიები, რომლებიც რუსეთში დაფრინავდნენ, იმავე სახის კრიტიკას არ ექვემდებარებოდნენ.
სერბეთი ევროკავშირის წევრობის კანდიდატია. ის უკრაინაში რუსეთის ქმედებებს გმობს.
Bloomberg-ის ორიგინალური სტატიის ავტორი: მიშა სავიჩი