Covid-19-ის ჩასასუნთქი ტესტს, რომელსაც დიაგნოზის დასმა სამ წუთში შეუძლია, აშშ-ის სურსათისა და წამლების ადმინისტრაციის (FDA) გადაუდებელი გამოყენების ავტორიზაცია მიენიჭა.
ტესტი, რომელიც ტეხასში მდებარე InspectIR Systems-ზე მომუშავე კომპანია Frisco-ს მიერ არის დამზადებული, დამტკიცებულია 18 წელზე უფროსი ასაკის ადამიანებისთვის და რეკომენდებულია იმ ადგილებში გამოყენებისთვის, სადაც ანალიზები ტესტის ნიმუშის აღების ადგილას კეთდება, მაგალითად, ექიმის კაბინეტები, საავადმყოფოები ან ტესტირების მოძრავი პუნქტები.
FDA-ს განცხადებით, მოწყობილობა დაახლოებით ხელბარგის ზომისაა და მუშაობს სუნთქვის ნიმუშებში ქიმიური ნაერთების აღმოჩენის გზით, რომლებიც დაკავშირებულია SARS-CoV-2 ინფექციასთან.
სააგენტოს განცხადებით, ტესტის ეფექტურობა დადასტურდა 2,409 ადამიანის კვლევაში. კვლევებმა აჩვენა, რომ სუნთქვის ანალიზატორის მგრძნობელობა სწრაფი ანტიგენის ტესტების მსგავსია.
„დღევანდელი ავტორიზაცია არის სწრაფი ინოვაციის კიდევ ერთი მაგალითი, რომელიც Covid-19-ის დიაგნოსტიკური ტესტებში გამოიხატება,“ - განაცხადა FDA-ს მოწყობილობებისა და რადიოლოგიური ჯანმრთელობის ცენტრის დირექტორმა ჯეფ შურენმა.
მისივე თქმით, FDA მხარს უჭერს მეტი ტესტირების შესაძლებლობების განვითარებას.
კომპანია, რომელიც ფოკუსირებულია ოპიოიდების და კანაფის აღმოჩენის პორტატიულ ინსტრუმენტებზე, ელის, რომ ყოველკვირეულად დაახლოებით 100 მოწყობილობის წარმოებას შეძლებს, რომელიც დღეში 160 ნიმუშის შესაფასებლად შეიძლება იქნას გამოყენებული.
კომპანიის ვებგვერდზე აღნიშნულია, რომ მათი ჩასასუნთქი აპარატი არის პირველი მოწყობილობა, რომელიც კომერციულად გამოიყენება.
FDA აღნიშნავს, რომ ტესტის ჩატარება შესაძლებელია მხოლოდ კვალიფიციური ოპერატორების მიერ ჯანდაცვის პროფესიონალების მეთვალყურეობის ქვეშ, რომლებსაც ტესტების ჩატარებაზე სახელმწიფოს ავტორიზაცია აქვთ მიღებული.
Bloomberg-ის ორიგინალური სტატიის ავტორი: მედისონ მიულერი