თბილისის პარკინგის სპეციალურ საჯარიმო სადგომზე სატრანსპორტო საშუალებების გადაყვანისა და 24 საათის განმავლობაში შენახვის საფასური იცვლება.
როგორც "ბიზნეს ფორმულას" თბილისის სატრანსპორტო კომპანიაში განუცხადეს, სატრანსპორტო საშუალებების ევაკუაციის საფასურად განისაზღვრა 150 ლარი აქამდე მოქმედი 60 ლარის ნაცვლად, ხოლო აღნიშნულ სადგომზე ავტომობილის დამატებით დგომის ახალი ფასი შეადგენს 20 ლარს, 10 ლარის ნაცვლად.
ცვლილება ძალაში 31 მარტიდან ქალაქ თბილისის მუნიციპალიტეტის მთავრობის განკარგულება №22.444.485 საფუძველზე შევა.