შეერთებულ შტატებში სამომხმარებლო ფასების დონე იანვარში მოსალოდნელზე მეტად დაჩქარდა და 40-წლიანი მაქსიმუმამდე გაიზარდა, რაც ფედერალურ სარეზერვო სისტემას, სავარაუდოდ, რეფინანსირების განაკვეთის გაზრდისკენ უბიძგებს.
შრომის დეპარტამენტის მონაცემებით, სამომხმარებლო ფასების ინდექსი 7.5%-ით გაიზარდა წინა წელთან შედარებით, დეკემბერში 7%-იანი წლიური ზრდის დაფიქსირების შემდეგ.
სურსათისა და ენერგიის არასტაბილური კომპონენტების გამოკლებით, ე.წ. ძირითადი ფასები ერთი წლის წინანდელ მაჩვენებელთან შედარებით 6%-ით გაიზარდა, რაც ასევე ყველაზე მაღალი ზრდაა 1982 წლის შემდეგ.
Bloomberg-ის ეკონომისტთა გამოკითხვა სამომხმარებლო ფასებისთვის 7,3%-იან წლიურ ზრდას პროგნოზირებდა, ხოლო წინა თვესთან შედარებით 0,4%-ს.
აღსანიშნავია, რომ ეკონომისტებმა ბოლო 10 თვიდან რვაში სამომხმარებლო ფასების ინდექსის ყოველთვიური ცვლილება სათანადოდ ვერ შეაფასეს.
Bloomberg-ის ორიგინალური სტატიის ავტორი: რიდ პიკერტი