Facebook-ის დაშიფრული მიმოწერის დროს "სქრინშოთის" გადაღებისას მოსაუბრე შეტყობინებას მიიღებს. ამის შესახებ კომპანია Meta-ს დამფუძნებელმა, მარკ ცუკერბერგმა დაწერა. ნიმუშისთვის მან მეუღლესთან მიმოწერის ფოტო გამოაქვეყნა.
გარდა ამისა, დაშიფრული მიმოწერის გამოყენების დროს შენარჩუნებული იქნება ყველა ფუნქცია, რითაც ადამიანები სტანდარტული მიმოწერისას სარგებლობენ: Gif-ების გაგზავნა, შეტყობინებაზე რეაქციის გამოხატვა და შეტყობინების მონიშვნით პასუხის დაბრუნება.
მოსაუბრეებს საშუალება ექნებათ შეინახონ მიმოწერის დროს ატვირთული ფაილები.