მიმდინარე წლის იანვარ-ოქტომბერში საქართველომ 1.9 ათასი ტონა ჩაის (არომატიზირებული და არაარომატიზირებული ჩაი) იმპორტში $7.2 მილიონი გადაიხადა. როგორც „ბიზნეს ფორმულას“ „საქსტატიდან“ აცნობეს, გასული წლის ანალოგიურ პერიოდთან შედარებით ჩაის იმპორტი 14%-ითაა შემცირებული.
საქართველოში ჩაის TOP-3 იმპორტიორი ქვეყანაა:
- აზერბაიჯანი - 633 ტონა / $3.4 მილიონი;
- შრი ლანკა - 264 ტონა / $1.2 მილიონი;
- რუსეთი - 206 ტონა / $1.2 მილიონი
რაც შეეხება ექსპორტს, 2021 წლის 10 თვეში საქართველომ $3.9 მილიონის 1.9 ათასი ტონა ჩაი გაყიდა.
TOP-3 საექსპორტო მიმართულება:
- მონღოლეთი - 416 ტონა / $219 ათასი;
- აზერბაიჯანი - 279 ტონა / $1.9 მილიონი;
- თურქეთი - 196 ტონა / $622 ათასი.