2021 წლის იანვარ-ოქტომბერში საქართველოდან ექსპორტირებული ღვინით მიღებულმა შემოსავალმა $194 მილიონს მიაღწია, რაც გასული წლის ანალოგიურ მონაცემზე 9%-ით მეტია. 11%-ით გაიზარდა ექსპორტირებული ღვინის რაოდენობა.
გარემოს დაცვისა და სოფლის მეურნეობის სამინისტროს მონაცემებით, ქართული ღვინის საექსპორტო ქვეყნების პირველი ხუთეულია:
- რუსეთი (49 064224 ბოთლი - ზრდა - 5%)
- უკრაინა (10 558377 ბოთლი - ზრდა - 21%)
- პოლონეთი (4 984017 ბოთლი - ზრდა - 20%)
- ჩინეთი (4 553919 ბოთლი - ზრდა -13%)
- ბელარუსი (3 348501 ბოთლი - ზრდა -17%)
გასული წლის შესაბამის პერიოდთან შედარებით 275%-ით გაიზარდა ქართული ღვინის ექსპორტი ჩეხეთში. 209%-ით არის გაზრდილი ექსპორტი თურქეთშიც. 175%-იანი მატებაა მონღოლეთში. შესაბამისად, 84%-ით და 65%-ით მოიმატა ექსპორტმა კანადაში და შვედეთში. საქართველოდან სხვადასხვა მოცულობის ღვინის ექსპორტი 400-მა კომპანიამ განახორციელა.