Apple-ის პარტნიორმა Foxconn-მა პირველი ელექტრომობილები წარადგინა

Bloomberg

Foxconn-მა პირველი ელექტრომობილები წარადგინა, რაც ტაივანური კომპანიისთვის დიდი წინგადადგმული ნაბიჯია. ელექტრონიკის მწარმოებელი შესაძლოა, სერიოზული პრეტენდენტი გახდეს Apple-ის ავტომობილის საიდუმლო პროექტისთვის.

SUV და სედანის მოდელები, რომლებიც კომპანიამ ორშაბათს წარადგინა, კონცეფციური სატრანსპორტო საშუალებებია, რომელთა შეთავაზებას მწარმოებელი საავტომობილო მომხმარებლებისთვის გეგმავს. აღმასრულებლებმა ავტომობილები ტაიბეიში კომპანიის Technology Day-ის ღონისძიებაზე წარმოადგინეს.

Foxconn-ი Apple-ის უმსხვილესი პარტნიორია, რომელიც კომპანიის iPhone-ებს აწყობს, რაც მას უპირატესობას ანიჭებს გახდეს Apple-ის პოტენციური პარტნიორი ავტოწარმოებაშიც. 

აღსანიშნავია, რომ Foxconn-ს გასულ წელს EV პლატფორმის დებიუტის შემდეგ, ავტომობილების გაყიდვა ჯერ არ დაუწყია. კომპანია Lordstown's Endurance ელექტრო პიკაპის მასობრივი წარმოების დაწყებას ოჰაიოში აპრილიდან გეგმავს.

შედარებისთვის, ავტომწარმოებლები, როგორიცაა Tesla, Volkswagen-ი და Hyundai Motor-ი ელექტრომობილების განვითარებაში მილიარდობით დოლარის ინვესტიციას დებენ.

Bloomberg-ის ორიგინალური სტატიის ავტორია: დები ვუ