ტელეკომპანია “ფორმულას” დაკვეთით, Edison Research-ის მიერ ჩატარებული ეგზიტპოლის შედეგები ცნობილია.
18:00 საათის მონაცემებით, თბილისის მერობის კანდიდატების მხარდაჭერა ასე განაწილდა:
- კახა კალაძე "ქართული ოცნება" - 43%
- ნიკა მელია "ერთიანი ნაციონალური მოძრაობა" - 39%
- გიორგი გახარია "საქართველოსთვის" - 7%
აღნიშნული შედეგების დადასტურების შემთხვევაში, თბილისში არჩევნების მეორე ტური შედგება.
ეგზიტპოლის მიხედვით, ქვეყნის მასშტაბით პარტიების შედეგები პროპორციულ ნაწილში ასე გადანაწილდა:
- "ქართული ოცნება - დემოკრატიული საქართველო" - 46%
- "ერთიანი ნაციონალური მოძრაობა" - 33%
- "საქართველოსთვის" - 6%
- "ევროპული საქართველო" - 2%
- "გირჩი" - 2%
- "მესამე ძალა" - 1%
საქართველოს მასშტაბით საარჩევნო უბნები 08:00 საათზე დაიხურა. ხმის მიცემის პროცედურა 12 საათს გაგრძელდა.
ეგზიტპოლის ფარგლებში გამოიკითხა 14 660 ადამიანი, კვლევის ცდომილების ფარგლები +/- 2%-ია 95%-იანი სანდოობის დონისთვის.