აშშ მოითხოვს, რომ ქვეყანაში შემსვლელი ზრდასრული უცხოელების უმრავლესობა Covid-19-ის წინააღმდეგ სრულად ვაქცინირებული იყოს. ნაბიჯი აშშ-ს გეგმის ნაწილია, რომელიც სამოგზაურო შეზღუდვების შემსუბუქებას ემსახურება.
ზომები, რომლებიც პრეზიდენტ ჯო ბაიდენის ადმინისტრაციის მიერ უნდა გამოცხადდეს, მოიცავს ქვეყანაში შესვლის მკაცრი წესების რეფორმას, რომლებიც აშშ-ს ვიზიტორებზე ვრცელდება.
Financial Times-ის ცნობით, ახალი წესები ნოემბერში ამოქმედდება. სამოგზაურო შეზღუდვების შემსუბუქების გეგმის ფარგლებში, აშშ შესვლის წესებს ასევე შეამსუბუქებს ვაქცინირებული მოგზაურებისთვის ბრიტანეთიდან და ევროკავშირიდან.
ამჟამად აშშ კრძალავს პირდაპირ შესვლას იმ ადამიანებისთვის, რომლებიც არ არიან მოქალაქეები ან მუდმივი მაცხოვრებლები, თუ ისინი იმყოფებოდნენ შენგენის ზონაში ან დიდ ბრიტანეთში ბოლო 14 დღის განმავლობაში, მიუხედავად ვაქცინაციის სტატუსისა.
Bloomberg-ის ორიგინალური სტატიის ავტორი: ჯოშ ვინგროვი