Covid-19-ის ვაქცინის წარმოების აფრიკული ბაზა Moderna-ს ასლის შექმნას შეეცდება, მაგრამ თუ ამერიკულ კომპანიასთან მოლაპარაკებები წარმატებული არ აღმოჩნდა, პროექტის განხორციელებას დიდი დრო დასჭირდება. ამის შესახებ ინფორმაციას სააგენტო Reuters-ი "ჯანდაცვის მსოფლიო ორგანიზაციის" (WHO)-ს მაღალჩინოსანზე დაყრდნობით ავრცელებს.
აფრიკაში ვაქცინების წარმოება მიზნად ისახავს, დაეხმაროს განვითარებად ქვეყნებს მიიღონ COVID-19-ის ვაქცინები მას შემდეგ, რაც მდიდარმა ქვეყნებმა შეიძინეს წლევანდელი მარაგის უმეტესი ნაწილი.
გასულ წელს Moderna-მ განაცხადა, რომ აღარ შექმნის ვაქცინის პატენტებს პანდემიის განმავლობაში და იმედოვნებს, რომ სხვა კომპანიებს შეეძლებათ მისი ასლის შექმნა, რათა ხელი შეუწყონ COVID-19 ვაქცინის წარმოებას.
პრაქტიკაში, ძნელია ვაქცინის ანალოგის შექმნა ინფორმაციის გარეშე, თუ როგორ მზადდება იგი. ჯანმოს მიერ მხარდაჭერილმა ტექნოლოგიურმა ჰაბმა კომპანიასთან გარიგების მიღწევა ჯერჯერობით ვერ შეძლო.
"მოლაპარაკებებს შედეგი არ მოჰყოლია",- განუცხადა Reuters-ს ჯანმო-ს წარმომადგენელმა ვაქცინის კვლევაში, მარტინ ფრიდემ.
გავრცელებულ ინფორმაციაზე Moderna კომენტარს არ აკეთებს.
ეს კონკრეტული საქმე ხაზს უსვამს ჯანმოს წინაშე არსებულ გამოწვევებს, რაც ძირითადად უკავშირდება ვაქცინაციასთან დაკავშირებულ უთანასწორობას. მსოფლიოში წარმოებული 5.5 მილიარდი COVID-19-ის ვაქცინიდან სამი მეოთხედი გაედინა მაღალი და საშუალოზე მაღალი შემოსავლის მქონე ქვეყნებში, რომლებიც გლობალური მოსახლეობის მესამედზე მეტს შეადგენს.
გასული კვირას აფრიკის კავშირის ჯანდაცვის მაღალჩინოსანმა განაცხადა, რომ აფრიკაში აცრილია მოსახლეობის 3%, რაც ბევრად ნაკლებია სხვა ქვეყნების მაჩვენებლებზე. შედარებისთვის, შეერთებული შტატების მოქალაქეების ნახევარზე მეტი და ესპანეთის სამი მეოთხედი აცრილია.
ფრიდეს განცხადებით, Moderna-ს ვაქცინა შეირჩა საჯარო ინფორმაციის გამჭვირვალობის გამო და მისმა დაპირებამ, რომ არ აწარმოებს პატენტებს, ვაქცინის კოპირება ოდნავ უფრო გააადვილა, ვიდრე ზოგიერთმა კონკურენტმა კომპანიამ.
"არჩევანი ახლა უნდა გავაკეთოთ. დედლაინი გვიახლოვდება, დროა დავიწყოთ მასალების შეკვეთა. ჩვენ ავირჩიეთ Moderna, მაგრამ მაშინაც კი, თუ ცენტრი მოახერხებს კომპანიის დახმარების გარეშე ფუნქციონირებას, ვაქცინის ანალოგის მიღებას ერთ წელზე მეტი დრო დასჭირდება, რადგან კლინიკური კვლევები მხოლოდ 2022 წლის მეორე ნახევარში დაიწყება",- დასძინა მან.
მაისში შეერთებულმა შტატებმა განაცხადა, რომ მხარს დაუჭერს ინტელექტუალური საკუთრების უფლებების მოხსნას COVID-19-ის ვაქცინებზე, რათა ხელი შეუწყოს პანდემიის დასრულებას. მაგრამ ამ იდეას ფარმაცევტულმა ფირმებმა წინააღმდეგობა გაუწიეს. ისინი ამტკიცებენ, რომ წარმოების სირთულის გამო, ტექნოლოგიების ნებისმიერი გადაცემა უნდა აკონტროლონ.
Pfizer–მა და მისმა პარტნიორმა BioNTech-მა ივლისში დადეს გარიგება სამხრეთ აფრიკის Biovac-თან, რათა შექმნან 100 მილიონი დოზა ერთი წლის განმავლობაში აფრიკის მოსახლეობისათვის.
მათი ვაქცინა, ისევე როგორც Moderna, შექმნილია ე.წ. mRNA ტექნოლოგიით. ამასთან, გარიგება წარმოადგენს ვაქცინის "შევსებისა და დასრულების", ანუ წარმოების ბოლო ეტაპებს, სადაც პროდუქტი მოთავსებულია ფლაკონებში, ილუქება და იფუთება გადაზიდვისთვის. ის არ მოიცავს mRNA წარმოების რთულ პროცესს, რასაც Pfizer და BioNTech თავიანთ ევროპულ ქარხნებში აკეთებენ.