7 თვეში საქართველომ $35.4 მილიონის თხილი გაყიდა

2021 წლის 7 თვეში საქართველომ საერთაშორისო ბაზრებზე 6 ათას ტონაზე მეტი $35.4 მილიონის ნაჭუჭგაუცლელი (435 ტონა) და ნაჭუჭგაცლილი (5.6 ათასი ტონა) თხილი გაყიდა.

როგორც „ბიზნეს ფორმულას“ "საქსტატიდან" აცნობეს, TOP -5 საექსპორტო მიმართულება ასე გამოიყურება:

1. გერმანია -$8.2 მილიონი, 1.3 ათასი ტონა
2. იტალია -$4.7 მილიონი, 756 ტონა
3. რუსეთი -$3 მილიონი, 498 ტონა
4. საუდის არაბეთი -$2.2 მილიონი, 423 ტონა
5. სომხეთი -$2 მილიონი, 411 ტონა

ქართული თხილის მსხვილ იმპორტიორებს შორისაა ლიეტუვა ( $1.9 მილიონი, 303 ტონა), ესპანეთი ($1.7  მილიონი, 272 ტონა), საფრანგეთი ( $1.4 მილიონი, 213 ტონა). საერთო ჯამში, საქართველო თხილს მსოფლიოს 25 ქვეყანაში ყიდის.

როგორც თხილის მწარმოებელთა ასოციაციის აღმასრულებელი საბჭოს თავმჯდომარემ, მერაბ ჭითანავამ „ბიზნეს ფორმულას“ განუცხადა, წელს თხილის მოსავალი საქართველოში 50-55 ათას ტონას მიაღწევს.