ჩინეთმა ერთ თვეზე ცოტა მეტ დროში მოახერხა Covid-19-ის გავრცელების შეჩერება, რის შედეგადაც ადგილობრივი გავრცელების შემთხვევები ნულამდე შემცირდა. თუმცა, დელტა ვარიანტის გამოჩენის გამო, უცნობია, რამდენ ხანს გაგრძელდება გამარჯვება.
რა მოხდა 20 ივლისიდან დღემდე და როგორ შეაჩერა ჩინეთმა ვირუსის გავრცელება.
განმეორებითი მასობრივი ტესტირება პრაქტიკულად ყველა ქალაქში
ჩინეთმა უპრეცედენტო რაოდენობით ტესტირება ჩაატარა. ადგილობრივმა ხელისუფლებამ არაერთხელ შეამოწმა მათი მოსახლეობა, ათჯერ მხოლოდ ერთ ქალაქში, რათა გამოევლინა ყოველი ახალი შემთხვევა. საერთო ჯამში, 100 მილიონზე მეტი ტესტი ჩატარდა.
დიდი როლი ითამაშა საკარანტინე ღონისძიებებმაც. ჩინეთის დედაქალაქი პეკინი გარკვეული პერიოდის განმავლობაში იზოლირებული იყო სხვა ადგილებისგან. გაუქმდა მატარებლებისა და საჰაერო რეისები ქვეყნის ცხელი წერტილებიდან.
სხვა რეგიონებში უფრო მკაცრი შეზღუდვები დაწესდა - დაწყებული მოგზაურობის აკრძალვებით მაღალი რისკის ზონებიდან, დამთავრებული შვებულების შემცირებული დროის მოთხოვნით. 200-ზე მეტი დასახლება კლასიფიცირებული იყო, როგორც მაღალი ან საშუალო რისკის შემცვლელი.
პიკი და დაცემა
ჩინეთში თავდაპირველად ერთი ასიმპტომური შემთხვევა დაფიქსირდა აეროპორტში. მეორე დღეს - ათზე მეტი. ივლისში ყოველდღიური ინფიცირების რიცხვი თითქმის 50-მდე გაიზარდა, რაც 1000 კილომეტრზე მეტ ექსპონენციალურ გავრცელებაზე მეტყველებდა. სამ კვირაზე ნაკლებ დროში ყოველდღიური შემთხვევების რიცხვი 100-მდე გაიზარდა და ნახევარ ქვეყანაში გავრცელდა. თუმცა, გავრცელება თითქმის ისევე სწრაფად დასრულდა, როგორც დაიწყო. შეზღუდვების გამკაცრების ფონზე ინფექციების რიცხვი ერთნიშნა ნიშნულზე დავიდა, შემდეგ კი ნულამდე.
დელტა ვარიანტის სწრაფი გავრცელება ქვეყნის მასშტაბით Covid კონტროლის ჩინური მოდელის ყველაზე დიდი გამოცდა იყო. ვირუსმა შეაღწია 17 პროვინციის თითქმის 50 ქალაქში და ხელახლა შემოიტანა Covid-19 ვუჰანში, რომელიც ვირუსისგან ერთ წელზე მეტია თავისუფალია.
ამასთან, ჩინეთმა აღმოფხვრა ვირუსის გავრცელება დაახლოებით ერთ თვეში, იმ დროში, რამდენიც წინა ეპიდემიების ჩახშობას დასჭირდა, მათ შორის 2021 წლის დასაწყისში. შედარებისთვის, ავსტრალიის ქალაქები არაერთხელ დაიკეტა, რის შედეგადაც ქვეყნის 26 მილიონი ადამიანიდან ნახევარზე მეტი იზოლაციაში დარჩა, თუმცა ქვეყანამ ვირუსის კონტროლი ვერ შეძლო. შეერთებული შტატები, რომელმაც ვერასოდეს შეძლო მიეღწია წარმატებას ვირუსის შეკავებაში, სექტემბრიდან ბუსტერ დოზის ამოქმედებას გეგმავს, რათა დელტა ვარიანტის წინააღმდეგ დაცვა გააძლიეროს.
ჩინეთმა შეძლო ყველა ინფიცირებული პაციენტის სიცოცხლის დაცვა. ჯიანგსუს პროვინციაში კრიტიკული შემთხვევების რიცხვი 18-მდე გაიზარდა, რამაც გამოიწვია შიში, რომ ქვეყანაში ექვს თვეზე მეტი ხნის განმავლობაში ვირუსით გარდაცვალების პირველი შემთხვევა დაფიქსირდებოდა. თუმცა, მას შემდეგ გამოჩნდა ვირუსის გავრცელების შემცირებისა და გამოჯანმრთელების ნიშნები.
ეკონომიკური ვარდნა
მიდგომა - “შეკავება ნებისმიერ ფასად” მსოფლიოს მეორე უმსხვილეს ეკონომიკაზე ზეწოლას ახდენს. ივლისში მოხმარებისა და წარმოების მაჩვენებელი შემცირდა, ხოლო შემდგომი შემცირება მოსალოდნელია აგვისტოში, რადგან ვირუსი პიკს მიაღწევს და კონტროლის ზომები გაძლიერდება. საინვესტიციო ბანკებმა Goldman Sachs Group და Nomura Holdings ზრდის პროგნოზები შეამცირეს.
Covid Zero თანაარსებობის ნაცვლად
უფრო გადამდები ვარიანტები და მათი ყოვლისმომცველი გავრცელება ნაკლებ სავარაუდოს ხდის ვირუსის გლობალურ დამარცხებას. ეს ცნობიერება აიძულებს ქვეყნებს ავსტრალიიდან სინგაპურამდე, მიიღონ გადაწყვეტილება, თუ როგორ ისწავლონ ვირუსთან თანაცხოვრება მას შემდეგ, რაც ადრე მის დამარცხებას ცდილობდნენ.
მიუხედავად ამისა, ჩინეთმა დაამტკიცა, რომ აქვს უნარი, შეინარჩუნოს ადგილობრივი გავრცელების ნულოვანი მაჩვენებელი დიდი ძალისხმევისა და ხარჯის მიუხედავად. ჯანდაცვის მინისტრმა მა სიაოვეიმ 16 აგვისტოს განაცხადა, რომ ხელისუფლება კიდევ უფრო მკაცრი ზომების მიღებას გეგმავს, რაც მიზნად ისახავს უცხოეთიდან ვირუსის შემოჭრის უფრო სწრაფად აღმოჩენას. ჯანდაცვის მინისტრმა ასევე გაიმეორა, რომ Covid-ის შეკავება უფრო სტაბილურ გარემოს ქმნის ეკონომიკური განვითარებისა და ინვესტიციებისთვის.
ვინაიდან დელტას ვარიანტი ფართოდ არის გავრცელებული მთელს მსოფლიოში, რაც შეუძლებელს ხდის ჯოგური იმუნიტეტის გამომუშავებას, ჩინეთი მსოფლიოსგან იზოლირებული აღმოჩნდება ნულოვანი ტოლერანტობის მიდგომით. გარე საფრთხეები არსად გაქრება.
ნათელია, რომ ჩინეთს შეუძლია ვირუსის აღმოფხვრა. რჩება კითხვა, რამდენ ხანს შეუძლია გაუძლოს დანარჩენ მსოფლიოს.
Bloomberg-ის ორიგინალური სტატია