დიდმა ბრიტანეთმა ოქსფორდის უნივერსიტეტისა და ფარმაცევტული კომპანია AstraZeneca-ს მიერ შემუშავებული ვაქცინის გამოყენება დაამტკიცა. მიუხედავად იმისა, რომ ვაქცინის ეფექტურობის შესახებ კითხვები კვლავ არსებობს, მეცნიერები მიიჩნევენ, რომ ის მასობრივი იმუნიზაციის პროცესისთვის მნიშვნელოვანი იქნება.
ვაქცინის გამოყენება 4 იანვარს დაიწყება და, პირველ რიგში, მოწყვლადი ჯგუფები აიცრებიან.
AstraZeneca-Oxford-ს ვაქცინა მეორეა, რომელსაც დიდი ბრიტანეთი გამოიყენებს. კორონავირუსის საწინააღმდეგო ვაქცინაცია ბრიტანეთმა დეკემბრის დასაწყისში დაიწყო. Pfizer/BioNTech-ის ვაქცინის გამოყენებით, ქვეყანაში 800 000-ზე მეტი ადამიანი აიცრა.
დღესვე ცნობილი გახდა, რომ ბრიტანეთის შემდეგ, AstraZeneca-Oxford-ს ვაქცინის გამოყენება არგენტინის მთავრობამ დაამტკიცა.
Bloomberg-ის ორიგინალური სტატიის ავტორი: სუზი რინგი