აშშ მსოფლიოს AstraZeneca-ს 60 მილიონ დოზას გაუზიარებს

Getty Images

აშშ მსოფლიოს AstraZeneca–ს გაუზიარებს. უახლოეს თვეებში ხელმისაწვდომი, სავარაუდოდ, 60 მილიონი დოზა გახდება. ადმინისტრაცია ახლა ვაქცინის უსაფრთხოების ფედერალური მიმოხილვის დასრულებას ელოდება.

„ვაქცინების უზარმაზარი პორტფელის გათვალისწინებით, რომელიც უკვე არსებობს აშშ-ში და რომელიც FDA-იმ დაამოწმა და იმის გათვალისწინებით, რომ AstraZeneca-ს ვაქცინა არ არის დამტკიცებული აშშ-ში გამოყენებისთვის, ჩვენ არ დაგვჭირდება AstraZeneca-ს ვაქცინის გამოყენება შემდეგი რამდენიმე თვის განმავლობაში, ამიტომ აშშ განიხილავს AstraZeneca-ს დოზების სხვა ქვეყნებისთვის გადაცემის შესაძლებლობებს“,- განაცხადა COVID-19-ის კოორდინატორმა თეთრ სახლში, ჯეფ ზიენტესმა.

ბოლო კვირების განმავლობაში, აშშ-ს ვაქცინების გაზიარებისკენ აქტიურად მოუწოდებდნენ. განსაკუთრებით ინდოეთში განვითარებული მოვლენების ფონზე. 

ბაიდენის ადმინისტრაციამ ეს ნაბიჯი მას შემდეგ გადადგა, რაც თეთრი სახლი სამი ვაქცინის მიწოდების უწყვეტობაში დარწმუნდა, განსაკუთრებით მას შემდეგ, რაც J&J-ის ვაქცინით იმუნიზაციის პროცესი განახლდა.

მსოფლიოში 3 მილიონზე მეტი ადამიანი გარდაიცვალა COVID-19-ით, მათ შორის 572,000-ზე მეტი შეერთებულ შტატებში. აშშ ვარაუდობს, რომ ზაფხულის დასაწყისში მთელი მოსახლეობისთვის საკმარისი ვაქცინის მარაგი ექნება.

Bloomberg-ის ორიგინალური სტატიის ავტორი: ზეკე მილერი (THE AP)