ნავთობის ფასი ბარელზე 48 დოლარს ჩამოსცდა აზიურ ბირჟებზე, რასაც ბრიტანეთში SARS-CoV-2-ის მუტაციის შედეგად ვირუსის უკონტროლო გავრცელებას და მოსალოდნელ ლოქდაუნს უკავშირდება.
პარასკევს დაფიქსირებული მაქსიმუმის შემდეგ, ნავთობის ბიუჩერსებზე ფასი ნიუ–იორკში 3%-ით დაეცა.
გასული პერიოდის განმავლობაში ნავთობპროდუქტებზე ფასის 33%-იანი ზრდა ვაქცინაცის ხელმისაწვდომობის ფონზე ოპტიმისტურმა მოლოდინებმა განაპირობა, ახლა კი მოლოდინები უარესდება.
West Texas Intermediate-ის იანვრის ფიუჩერსების ფასი ნიუ – იორკის სავაჭრო ბირჟაზე 3,2% –ით დაეცა და ბარელზე 47,53 დოლარი შეადგინა. თებერვლის კონტრაქტები კი 3.1% -ით შემცირდა და 47.73 აშშ დოლარი ღირს.
ICE Futures Europe– ის ბირჟაზე Brent-ის ტიპის ნავთობის თებერვლის კონტრაქტები 3.1%-ით არის გაიაფებული და 50.63 დოლარის ფარგლებში ივაჭრება. ეს მაშინ, როცა პარასკევს ვაჭრობა 1.5%-იანი ზრდით დაიხურა.
ანალიტიკოსების მოლოდინით, ნავთობპროდუქტებზე მოთხოვნა 2021 წლის მეორე ნახევარში გაიზრდება, ფრენების აღდგენასთან ერთად. Goldman Sachs Group - ის სასაქონლო პროდუქტების კვლევის ხელმძღვანელი ჯეფ კური ამბობს, რომ სწორედ ამ პერიოდისთვის შეძლებს OPEC+ - ს შეუძლია ბაზარზე მიწოდების გაზრდას.
აღსანიშნავია, რომ ყოველთვიური შეხვედრების გრაფიკის წყალობით, ნავთობის ექსპორტიორი ქვეყნების გაერთიაენბა უფრო სწრაფად მოახდენს რეაგირებას ბაზრის ცვლილებებზე ნავთობის მიწოდების ზრდის ან შემცირების თვალსაზრისით.
Bloomberg-ის ორიგინალური სტატიის ავტორი: ენ კოჰი