მსოფლიო ბირთვული ენერგიის ისტორიაში ყველაზე დიდი, ჩერნობილის კატასტროფიდან 35 წელი გავიდა. აფეთქების შედეგების შეფასება ჯერ კიდევ შეუძლებელია, თუმცა უდიდესმა რადიოაქტიურმა ღრუბელმა ეტაპობრივად დედამიწის თითქმის ყველა ნაწილს მიაღწია.
1986 წლის 26 აპრილს, გამთენიისას, ჩერნობილის ატომური ელექტროსადგურის მეოთხე რეაქტორთან აფეთქება მოხდა. კატასტროფა ექსპერიმენტმა გამოიწვია. ქარხნის ინჟინრებმა ჩაატარეს ცდები იმის გასარკვევად, თუ რა მოხდებოდა ელექტროენერგიის გათიშვის დროს. მათ ზოგიერთი სისტემა გათიშეს, მაგრამ ინჟინრებმა არ იცოდნენ, რომ რეაქტორი უკვე არასტაბილური იყო. ენერგიის შემცირებამ შეანელა ტურბინების მუშაობა, რომლებიც რეაქტორს გაგრილებული წყლით ამარაგებდნენ. დარჩენილი წყალი ორთქლად იქცა და უზარმაზარი წნევა შექმნა. როდესაც ოპერატორები მიხვდნენ, რა ხდებოდა, უკვე გვიანი იყო.
საბჭოთა ხელისუფლებამ მომხდარი დამალა, ამით კი კატასტროფის შედეგები კიდევ უფრო გაამწვავა. სამყარომ აფეთქების შესახებ მხოლოდ მას შემდეგ შეიტყო, რაც შვედეთში მომატებული რადიაცია დაფიქსირდა.
ჩერნობილის ატომური ელექტროსადგურის გარშემო 30 კილომეტრი გარიყული ზონაა. პრიპიატი ახლა აჩრდილების ქალაქია, ადრე კი ჩერნობილის ატომურ ელექტროსადგურს ემსახურებოდა. ევაკუაციის შემდეგ მიტოვებული შენობები იშლება.
მიტოვებული სახლი ჩერნობილის აფეთქების ზონაში / ნატალია ლიუბჩენკოვა / Euronews
ყოფილი სასურსათო მაღაზია ჩერნობილის კატასტროფის ზონაში / ნატალია ლიუბჩენკოვა / Euronews
ყოფილი ბიბლიოთეკა ჩერნობილის კატასტროფის ზონაში / ნატალია ლიუბჩენკოვა / Euronews
ეშმაკის ბორბალი პრიპიატის მიტოვებულ გასართობ პარკში / ნატალია ლიუბჩენკოვა / Euronews