ჯანდაცვის ექსპერტების თქმით, საათობრივი შიმშილი, დაბალკალორიული დიეტა და შაქარზე უარის თქმა ყურადსაღებ ცვლილებებს იწვევს.
ესა თუ ის დიეტა არა მხოლოდ სხეულის წონას ცვლის, არამედ აისახება თქვენი მენტალურ და ფიზიკურ მდგომარეობაზე. ეს კი, სწორედ ის ფაქტორებია, რაც თქვენს ქმედითუნარიანობას განსაზღვრავს.
შესაძლოა, თქვენ იმ იშვიათ გამონაკლისებს შორის ხართ, ვინც ამჟამინდელი კვებითი ჩვევებითაც 100%-იანი ეფექტურობით გამოირჩევით სამსახურში, მაგრამ თუ ეს ასე არაა, კარგი იქნება თქვენს კვებით რაციონს გადახედოთ.
ნიუ-იორკის უნივერსიტეტის კვებისა და საზოგადოებრივი ჯანდაცვის პროფესორის, მარიონ ნესტლეს თქმით, “ადამიანები დიეტებზე განსხვავებულად რეაგირებენ”.
“ზოგადად, ყველა ჩვენგანს გვჭირდება კალორიების საკმარისი რაოდენობა იმისათვის, რომ ტვინი კმაყოფილი იყოს, თუმცა არა იმდენად ბევრი, რომ ჩაგვეძინოს”, ამბობს ის და დასძენს, რომ დიეტის გავლენა ინდივიდუალური დავკირვების საგანია, რადგან რიგ შემთხვებში, შესაძლოა, მან მოდუნება და შიმშილის შემაწუხებელი შეგრძნებაც კი გამოიწვიოს.
მნიშვნელოვანია, რომ ტვინსა და სხეულს ჯანსაღი ნივთიერებებით გაჯერებული საკვები მიაწოდოთ და შეზღუდოთ გადამუშავებული საკვების მიღება, რაც, თავის მხრივ, თქვენს მეტაბოლიზმზეც აისახება.
UCLA Center for Human Nutrition-ის დირექტორის, ზიაოფინგ ლის თქმით, “დღედაღამ გადამუშავებული საკვების მიღება თქვენს გრძელვადიან მენტალურ და ფიზიკურ ჯანმრთელობაზე გავლენას იქონიებს”.
ქვემოთ მოცემულია სამი გავრცელებული დიეტა, რომელთა შესახებ სასურველია, ექიმს გაესაუბროთ, თუმცა თითოეული მათგანის შესახებ ცნობებს ინტერნეტშიც უხვად წააწყდებით.
საათობრივი შიმშილი - ეს არის წინა და მომდევნო კვებას შორის დროის ლიმიტრებული მონაკვეთი, რაც, ჩვეულებრივ, ოთხიდან რვა საათამდე შემოიფარგლება. დანარჩენი 16-20 საათის მანძილზე წყლის, ჩაის, შავი ყავისა და სხვა უკალორიო სასმელების გარდა აღარაფერს მიირთმევთ. ლის თქმით, დიეტის შედეგად მუდმავ ფხიზლად ხართ, რადგან ორგანიზმი შიმშილის დროს მზადაა “სანადიროდ”. თუმცა, ამასთანავე, რიგ შემთხვევებში, განსაკუთრებით კი ქალებში, ხშირია ჰიპოგლიკემია, ანუ სისხლში შაქრის ნორმაზე მეტისმეტად დაბალი დონე.
რაც შეეხება დაბალკალორიულ დიეტას - ამ შემთხვევაში ძირითადად დაშვებულია ცხიმები, პროტეინები და სულ რაღაც 20-50 გრამი ნახშირწყლების შემცველი პროდუქტები, როგორებიცაა, მაგალითად, ბანანი ან ვაშლი, რომლებიც 25 გრამამდე ნახშირწყლებს შეიცავს. ამ ტიპის კვება თქვენს ორგანიზმს, პირველ რიგში, ნახშირწყლების ნაცვლად, ცხიმების დაწვისკენ უბიძგებს. მართალია, ძირითად შემთხვევებში დიეტის შედეგად ენერგიულ და ფოკუსირებულ მდგომარეობას ვიღებთ, მაგრამ როგორც ლი აღნიშნავს, დანამდვილებით ვერ ვიტყვით, წონის კლება და კარგი განწყობა ე.წ. “კეტოსის” შედეგია თუ კალორიების შეზღუდვის. ამ ტიპის დიეტის უკუჩვენებებს შორისაა კონცენტრაციის ნაკლებობა და გონების დაბინდვა.
უშაქრო დიეტის შემთხვევაში, იგულისხმება საკვები პროდუქტიდან დამატებითი (და არა ორგანული) შაქრის გამოდევნა, რის შედეგადაც საუზმისა თუ ლანჩის შემდეგ უსიამოვნო შეგრძნებებისაგან ვთავისუფლდებით. თუმცა ამასთანავე, ეს ნიშნავს ცხოვრებას ტკბილეულის გარეშე.
ნესტლეს განმარტებით, რომელიც თავადაც მუდმივ ძიებაშია, სხეული თავად გამცნობთ თუ რომელი ტიპის დიეტაა თქვენთვის ზედგამოჭრილი. თუმცა, მისი აზრით, “საკმარისი რაოდენობის საკვების მიღება და ჯანსაღი კვება კი საუკეთესო არჩევანია”.
Bloomberg-ის ორიგინალური სტატიის ავტორი: არიანან კოენი