სარფში მებაჟეებმა საქართველოს მოქალაქის ბარგში 106 აბი „Methadone 40“ აღმოაჩინეს

საბაჟო გამშვებ პუნქტზე „სარფი“, საქართველოში ნარკოტიკული ნივთიერების შემცველი მედიკამენტების უკანონოდ შემოტანის ფაქტი აღიკვეთა.

შემოსავლების სამსახურის ინფორმაციით, მებაჟე ოფიცრებმა, ეჭვის საფუძველზე, საქართველოს მოქალაქის ზ.ჩ.-ს ფიზიკური და კუთვნილი ბარგის დეტალური დათვალიერების შედეგად, ნარკოტიკული ნივთიერების შემცველი მედიკამენტები: 106 აბი „Methadone 40“ და 14 კაფსულა „Galara“ (300 MG Pregabalin) აღმოაჩინეს.

უწყების განმარტებით, საქმის მასალები შემდგომი რეაგირების მიზნით, საქართველოს შინაგან საქმეთა სამინისტროს შესაბამის სამსახურს გადაეცა.