აგვისტოში საქართველომ ყველაზე მეტი ფულადი გზავნილი კვლავ რუსეთიდან მიიღო

ეროვნული ბანკის მონაცემებით, 2023 წლის აგვისტოში საქართველოში ფულადი გზავნილების სახით 287 მლნ დოლარი (752.6 მლნ ლარი) გადმოირიცხა. გასული წლის ანალოგიურ პერიოდთან შედარებით, გზავნილებმა 14.1%-ით (47.3 მლნ დოლარი) იკლო. 

გასულ თვეში საქართველოში ყველაზე მეტი თანხა, 60 მლნ დოლარი რუსეთიდან გადმოირიცხა. აღსანიშნავია, რომ რუსეთიდან გზავნილები წლიურად 46%-ით შემცირდა.  

TOP 10 ქვეყანა, საიდანაც აგვისტოში საქართველოში ფულადი გზავნილები გადმოირიცხა, შემდეგია:

• რუსეთის ფედერაცია - $60.34 მლნ / წლიური კლება 46%;
• იტალია - $45.01 მლნ / წლიური ზრდა 23%;
• აშშ - $40.19 მლნ / ზრდა 38%;
• გერმანია - $20.35 მლნ / ზრდა 33%;
• საბერძნეთი - $19.88 მლნ / ზრდა 6%;
• ყაზახეთი - $18.71 მლნ / ზრდა 55%;
• ისრაელი - $16.77 მლნ / კლება 7%;
• თურქეთი - $9.01 მლნ / კლება 1%;
• ესპანეთი - $6.22 მლნ / ზრდა 12%;
• ყირგიზეთი - $4.87 მლნ / კლება 64%.

რაც შეეხება გადარიცხვებს, 2023 წლის აგვისტოში საქართველოდან საზღვარგარეთ 29.2 მლნ დოლარი გადაიგზავნა. 2022 წლის შესაბამის პერიოდთან შედარებით, მაჩვენებელი 1%-ითაა შემცირებული.