მონეტარული პოლიტიკის შერბილების შედეგად, სესხზე პროცენტი 186 632 მომხმარებელს შეუმცირდება.
დღევანდელ სხდომაზე ეროვნული ბანკის მონეტარული პოლიტიკის კომიტეტმა რეფინანსირების განაკვეთი 0.25 პროცენტული პუნქტით, 10%-მდე შეამცირა. 1 აგვისტოს მდგომარეობით, სწორედ 186 632 სესხია მიბმული რეფინანსირების განაკვეთზე. შესაბამისად, აღნიშნულ მსესხებლებს პირდაპირ შეუმცირდებათ სესხზე ყოველთვიური შენატანი.
ჯამურად, ცვლად საპროცენტო განაკვეთზე მიბმული სესხების მოცულობა 11.4 მლრდ ლარია. აქედან 51% ბიზნეს სესხია, 32% იპოთეკური, ხოლო 17% სამომხმარებლო.
მონეტარული პოლიტიკის კომიტეტის შემდეგი სხდომა 2023 წლის 25 ოქტომბერს ჩატარდება. როგორც ეროვნულ ბანკში აცხადებენ, განაკვეთის კლება მხოლოდ ნელი ტემპით გაგრძელდება.