Colliers Georgia: ივლისში თბილისში 3 540 საცხოვრებელი ბინა გაიყიდა

2023 წლის ივლისში, თბილისში 3 540 საცხოვრებელი ბინა გაიყიდა. 2022 წლის ანალოგიურ პერიოდთან შედარებით, გაყიდვები 7%-ით შემცირდა. ასევე 7%-ით, 189 მლნ დოლარამდეა შემცირებული ბაზრის ზომა.

Colliers Georgia-ს განახლებული მონაცემები აჩვენებს, რომ ახალ პროექტებში ტრანზაქციებმა წლიურად 3%-ით მოიმატა. ძველ პროექტებში კი გაყიდვებმა 27%-ით იკლო.

ამასთან, ივლისში ახალაშენებულ მედიუმ სეგმენტის ბინებზე მოთხოვნა 10%-ით გაიზარდა, ეკონომ სეგმენტში კი მაჩვენებლის მხოლოდ 2%-იანი ზრდა დაფიქსირდა. რაც შეეხება პრემიუმ სეგმენტს, ტრანზაქციების რაოდენობა 7%-ით 191 ერთეულამდე შემცირდა.

Colliers Georgia-ს თანახმად, ივლისში თბილისში ახალაშენებული ბინების საშუალო შეწონილი გასაყიდი ფასი 9%-ით გაიზარდა გარეუბნებში, ფართო ცენტრსა და ქალაქის ცენტრში კი 5%-იანი კლება დაფიქსირდა.

რაც შეეხება ძველ ბინებს, გასულ თვეში ძველი ბინების საშუალო შეწონილი გასაყიდი ფასი 4%-ით გაიზარდა როგორც გარეუბნებში, ასევე ფართო ცენტრსა და ქალაქის ცენტრში.