აშშ-ში პენსიონერებისთვის საცხოვრებლად საუკეთესო ქალაქებს შორის ლანკასტერი ლიდერობს

აშშ-ს მასშტაბით პენსიონერებისთვის საცხოვრებლად საუკეთესო ლოკაცია პენსილვანიის ქალაქია ლანკასტერია.

US News & World Report-მა აშშ-ს 150 უდიდესი მეტროპოლიტენი შეაფასა და სხვადასხვა მონაცემის გამოყენებით აშშ-ს თითოეულ ქალაქს საკუთარი საპენსიო ქულა მიანიჭა. აღსანიშნავია რომ ეს ქულები 6 ფაქტორის მიხედვით დგინდება:

• საცხოვრებლის ხელმისაწვდომობა;
• სასურველობა;
• ბედნიერება;
• ჯანდაცვა;
• პენსიონერთა გადასახადები;
• შრომის ბაზარი.

კვლევის ფარგლებში, ჯამში 3 100 ადამიანი გამოიკითხა და მათი ასაკობრივი კატეგორია 45 წლის ან მეტისაა. შედეგები აჩვენებს, რომ რეიტინგში პირველ ადგილზე გასულმა ქალაქმა ლანკასტერმა განსაკუთრებით მაღალი ქულა დააგროვა ჯანდაცვის კატეგორიაში. ამასთან, ლანკასტერი გამორჩეულია სასოფლო-სამეურნეო მიწებით, ცენტრალურ უბნებში კი სხვადასხვა კულტურულ ღონისძიებებს მასპინძლობს. გარდა ამისა, ქალაქში მოსახლეობის დაახლოებით 18% 65 წელზე უფროსია. მეტიც, ვისაც საპენსიო საცხოვრებელზე ფულის დაზოგვა სურს, ლანკასტერში ეს ხარჯები საშუალოზე დაბალია. კერძოდ, US News & World Report-ის თანახმად, სახლის საშუალო ფასი დაახლოებით $290 354 დოლარია, რაც ეროვნულ დონეზე არსებულ $436 800-ზე ნაკლებია.

საერთო ჯამში, აშშ-ში, პენსიაზე გასასვლელად საუკეთესო ადგილების სიაში, პენსილვანია და ფლორიდა დომინირებენ. ორივე შტატში პენსიონერები გარკვეული საგადასახადო შეღავათებით სარგებლობენ. TOP 10 კი ასე გამოიყურება: 

1. Lancaster, Pennsylvania;
2. Harrisburg, Pennsylvania;
3. Pensacola, Florida;
4. Tampa, Florida;
5. York, Pennsylvania;
6. Naples, Florida;
7. Daytona Beach, Florida;
8. Ann Arbor, Michigan;
9. Allentown, Pennsylvania;
10. Reading, Pennsylvania.