2023 წლის 1 მაისიდან 5 ივლისამდე საქართველოდან 2 346 ტონა მოცვია ექსპორტირებული.
სოფლის მეურნეობის სამინისტროს ინფორმაციით, ექსპორტიდან მიღებულმა შემოსავალმა 14.4 მლნ დოლარი შეადგინა.
აღსანიშნავია, რომ 2022 წლის შესაბამის პერიოდთან შედარებით, ექსპორტირებული მოცვის მოცულობა 1 766 ტონით (4-ჯერ), ხოლო ღირებულება - 10.7 მლნ დოლარით (3.9-ჯერ) გაიზარდა.
მიმდინარე წლის 1 მაისიდან 5 ივლისამდე ექსპორტირებული ქართული მოცვის 94% რუსეთში გაიყიდა. დეტალური მონაცემები ასეთია:
- რუსეთი - ექსპორტირებულია 2 207.1 ტონა მოცვი;
- პოლონეთი - 37 ტონა;
- არაბთა გაერთიანებული საამიროები - 33.3 ტონა;
- ნიდერლანდები - 24.5 ტონა;
- სომხეთი - 15.5 ტონა;
- გერმანია - 11.1 ტონა;
- კატარი - 4.3 ტონა;
- კუვეიტი - 4.3 ტონა;
- საუდის არაბეთი - 3.2 ტონა;
- ბაჰრეინი - 2.7 ტონა;
- დანარჩენი ქვეყნები - 3 ტონა.