საქართველოში ვებ პლატფორმები კომპანიების მხოლოდ 14.3%-ს აქვს

საქსტატის მონაცემებით, საქართველოში ვებ-გვერდს ან ვებ-საიტს საწარმოების მხოლოდ 14.3% იყენებს.

კომპანიების ვებ პლატფორმების ფუნქცია-შესაძლებლობები 6 ძირითად კატეგორიაში ნაწილდება, რომელთაგანაც ყველაზე მეტი, 72.3%  საქონლისა და მომსახურების აღწერის ან ფასებზე ინფორმაციის მიწოდებისთვის გამოიყენება. დარჩენილი კატეგორიები შემდეგნაირად ნაწილდება:

• 44.2% - საწარმოს სოციალური მედიის პროფილების ბმულები
• 40.4% - ონლაინ შეკვეთები ან დაჯავშნა (მაგ. საყიდლების კალათა)
• 27.1% - განთავსებული შეკვეთების თვალის დევნება ან სტატუსი
• 22.4% - ვებ-საიტის პერსონალიზებული სარჩევი მუდმივი ან ხშირი ვიზიტორებისთვის
• 20.4% - ვიზიტორებისთვის ონლაინ საქონლის ან მომსახურების მორგების ან დიზაინის ცვლილებების შესაძლებლობა

საწარმოების მხოლოდ 34% იყენებს სოციალური მედიის საშუალებებს, როგორებიცაა Facebook, Linkedin და სხვა.