იაპონური სტარტაპი მთვარეზე პირველი კომერციული დაშვებისთვის ემზადება

იაპონური სტარტაპი ispace დღეს მთვარეზე კოსმოსური აპარატის დასაშვებად ემზადება. წარმატების შემთხვევაში, ეს კერძო კომპანიის მიერ მთვარეზე პირველი დაშვება იქნება.

სპეციალისტები არ გამორიცხავენ, რომ ispace-მა აპარატის დაშვება 26 აპრილს ან მაისის დასაწყისში გადაიტანოს.

ispace-ის მიერ შექმნილი ხომალდი Hakuto-R, რომელზეც გაერთიანებულ საამიროებში წარმოებული მთვარემავალი Rashid-ია მოთავსებული, აშშ-ის ფლორიდის შტატში მდებარე კანავერალის კონცხიდან 11 დეკემბერს გაუშვეს. მას მთვარის ორბიტამდე მისასვლელად სამი თვე დასჭირდა. 

მთვარეზე კონტროლირებადი დაშვება ისტორიაში მხოლოდ სამმა ქვეყანამ: შეერთებული შტატებმა, ყოფილმა საბჭოთა კავშირმა და ჩინეთმა შეძლო. ამათგან, აშშ რჩება ერთადერთ ქვეყნად, რომელმაც ადამიანები მთვარეზე გაიყვანა.