მაღალპროცენტიანი შემნახველი ანგარიში - Apple-ის ახალი პროდუქტი

კომპანიები Apple და Goldman Sachs-ი Apple Card-ის მფლობელებს  მაღალპროცენტიან შემნახველ ანგარიშს სთავაზობენ. 

ანგარიშზე განთავსებულ თანხაზე მომხმარებლები 4.15%-იან სარგებელს მიიღებენ. მათ შეუძლიათ ბარათზე დატოვონ როგორც 3%-იანი ქეშბექი, რომელსაც Apple Card-ის მეშვეობით გარკვეული პროდუქტების ყიდვის დროს მიიღებენ, ასევე ბარათზე დანაზოგის სახით დარიცხონ ნაღდი ფული. 

"ჩვენი მიზანია შევქმნათ ინსტრუმენტები, რომლებიც მომხმარებლებს  ჯანსაღი ფინანსური ცხოვრების საშუალებას მისცემს", - ამბობს Apple Pay-სა და Apple Wallet-ის ვიცე-პრეზიდენტი ჯენიფერ ბეილი.

Apple-ისა და Goldman-ის შემნახველი ანგარიშს დეპოზიტების დაზღვევის ფედერალური კორპორაცია (FDIC) აზღვევს.

ფინანსური კომპანია Bankrate მაღალ შეფასებას აძლევს Apple Card-ს, როგორც დაგროვების უფასო საკრედიტო ბარათს. შემნახველ ანგარიშზე მაღალი საპროცენტო განაკვეთი მას კიდევ უფრო მიმზიდველს ხდის.

მსხვილი ამერიკული ბანკების უმრავლესობაში, სადაც დიდი ოდენობით დეპოზიტია განთავსებული, შემნახველ ანგარიშებზე სარგებელი 1%-ზე დაბალია. თუმცა არსებობს FDIC-ის მიერ დაზღვეული ონლაინ ბანკები, რომლებიც მომხმარებლებს სხვა სახის შეთავაზებებს უკეთებენ. 

ანალიტიკოსების შეფასებით, Apple-ის განაკვეთი ერთ-ერთი ყველაზე მაღალია. 

Bankrate-ის უფროსი ანალიტიკოსი ტედ როსმანის თქმით, დანაზოგებზე სარგებლის მიხედვით, მის სიაში Apple 4.15%-ით მე-11 ადგილს იკავებს. პირველ ადგილზეა UFB Direct, რომლის განაკვეთი 5.02% შეადგენს.