ჩადი აცხადებს, რომ Exxon Mobil-ის ყველა აქტივის ნაციონალიზაცია მოახდინა

ჩადმა Exxon Mobil-ის შვილობილი კომპანიის ყველა აქტივისა და უფლებების, მათ შორის, ძიებისა და წარმოების ნებართვების ნაციონალიზაცია მოახდინა. ამის შესახებ ინფორმაციას ქვეყნის ენერგეტიკისა და ნახშირწყალბადების სამინისტრო ავრცელებს.

Exxon Mobil-მა დეკემბერში განაცხადა, რომ მისი აქციები Savannah Energy-მ $407 მილიონად იყიდა, მაგრამ ჩადის მთავრობამ ეს გარიგება გააპროტესტა და თქვა, რომ საბოლოო პირობები განსხვავდება იმისგან, რაც Exxon Mobil-მა წარმოადგინა.

ჩადის მთავრობამ განაცხადა, რომ შესაძლოა, სასამართლოებს ქვეყანაში Savannah-ს მიერ Exxon-ის აქტივების შეძენა აუკრძალოს და გადადგას შემდგომი ნაბიჯები მისი ინტერესების დასაცავად.

ენერგეტიკის სამინისტროს განცხადებით, დობას ნავთობის ოპერაციები და ჩადი-კამერუნის მილსადენი ქვეყნისთვის სასიცოცხლო და სუვერენული აქტივებია. ამიტომ დაუშვებელია, რომ მას საფრთხე შეექმნას არარეგულარული ოპერაციით.

Exxon-ის აქტივები მოიცავდა 40%-იან წილს ჩადის დობას ნავთობის პროექტში, რაც აერთიანებს შვიდ ნავთობსადენს, რომელთა ერთობლივი გამომუშავება დღეში 28000 ბარელს შეადგენს და ასევე 40%-იან არაპირდაპირ საკონტროლო წილს ჩადი-კამერუნის საექსპორტო სატრანსპორტო სისტემაში. 

Exxon-მა აფრიკიდან გასვლა ნედლი ნავთობის წარმოების შემცირების გამო გადაწყვიტა. მას სურს, რომ ყურადღება გადაიტანოს უფრო მომგებიან ოპერაციებზე ამერიკაში და ასევე LNG პროექტზე მოზამბიკში.