მსოფლიო კეთილდღეობის ინდექსში საქართველო კვლავ 53-ე ადგილზეა

საქართველო 2023 წლის „კეთილდღეობის ინდექსში“ 167 ქვეყნიდან ისევ 53-ე ადგილზეა. ქვეყანა ამ პოზიციაზე იყო 2021 და 2022 წლებშიც. 

ანგარიშს ბრიტანული ანალიტიკური ცენტრი Legatum Institute 2007 წლიდან აქვეყნებს. აღსანიშნავია, რომ 2013 წელს საქართველო ინდექსში 64-ე ადგილს იკავებდა.  

ორგანიზაცია ქვეყნის კეთილდღეობას 12 კატეგორიის მიხედვით აფასებს. კატეგორიების მიხედვით, საქართველოს პოზიცია ასეთია:

● დაცულობა და უსაფრთხოება - 82-ე ადგილი;

● პერსონალური თავისუფლება - 59-ე ადგილი;

● მმართველობა - 53-ე ადგილი;

● სოციალური კაპიტალი - 104-ე ადგილი;

● საინვესტიციო გარემო - 47-ე ადგილი;

● სამეწარმეო გარემო - 58-ე ადგილი;

● ინფრასტრუქტურა და ბაზარზე წვდომა - 55-ე ადგილი;

● ეკონომიკის ხარისხი - 78-ე ადგილი;

● საცხოვრებელი პირობები - 78-ე ადგილი;

● ჯანმრთელობა - 90-ე ადგილი;

● განათლება - 49-ე ადგილი;

● ბუნებრივი გარემო (ეკოლოგია) - 128-ე ადგილი.

კეთილდღეობის ინდექსში ქვეყნების პირველი ხუთეული შემდეგია: დანია, შვედეთი, ნორვეგია, ფინეთი, შვეიცარია. ბოლო ადგილებს კი ცენტრალური აფრიკის რესპუბლიკა, იემენი და სამხრეთ სუდანი იკავებენ.