მასკმა საკუთარი ტვიტების პოპულარიზების მიზნით, Twitter-ის ალგორითმი შეცვალა

Marlena Sloss/Bloomberg

Twitter-ის მფლობელმა და აღმასრულებელმა დირექტორმა ილონ მასკმა ინჟინრებს კვირა საღამოს ქსელის ალგორითმი იმგვარად შეაცვლევინა, რომ მისი ტვიტები პრიორიტეტული გამხდარიყო. ამის შესახებ Bloomberg-ი Platformer-ზე დაყრდნობით წერს.

მედიის თანახმად, მილიარდერი უკმაყოფილო იყო Super Bowl-ის შესახებ მისი ტვიტის ნახვების შედეგით. ის მხარდაჭერას Philadelphia Eagles-ს უცხადებდა, ისევე როგორც აშშ-ის პრეზიდენტი, ჯო ბაიდენი, რომლის ტვიტმა უფრო მაღალი ჩართულობა დაიმსახურა. მასკს თითქმის 129 მილიონი მიმდევარი ჰყავს, ხოლო ბაიდენის ანგარიშს 37 მილიონი.

ამასთან, მასკი იმედგაცრუებული იყო გასულ კვირებში ჩართულობის შემცირებული მაჩვენებლით. 

Twitter-მა საკითხზე კომენტარი არ გააკეთა. თავად ილონ მასკმა კი დაპოსტა, რომ კომპანიას ალგორითმში ცვლილებები შეაქვს.

Please stay tuned while we make adjustments to the uh .… “algorithm”

— Elon Musk (@elonmusk) February 14, 2023