E.ON-მა, ევროპის ენერგეტიკული ქსელების უმსხვილესმა ოპერატორმა, Nord Stream 1-ის მილსადენში წილის ღირებულება 700 მილიონი ევროთი შეამცირა. ოპერატორი გადაწყვეტილების მიზეზად უკრაინაში ომის შედეგად გაზრდილ გაურკვევლობას ასახელებს.
მილსადენი, რომელსაც ამჟამად გაზი რუსეთიდან გერმანიაში გადააქვს, თავისი სიმძლავრის მხოლოდ მეხუთედით ფუნქციონირებს. ეს წარმოადგენს ენერგეტიკულ დაპირისპირებას, რომელიც უკრაინაში ომის დაწყების შემდეგ გაზზე დამოკიდებულ ევროპულ სახელმწიფოებსა და მათ მთავარ მიმწოდებელ მოსკოვს შორის გაჩნდა.
E.ON-მა მარტში განაცხადა, რომ მისი 15.5%-იანი წილს 1.2 მილიარდი ევროს ღირებულება ჰქონდა, რაც წილის ღირებულების 58%-იან შემცირებას ნიშნავს. ფინანსური დირექტორის მარკ სპიკერის თქმით, წილის ღირებულება ახლა 500 მილიონი ევროა.
კითხვაზე, განიხილავს თუ არა E.ON წილის გაყიდვას, აღმასრულებელმა დირექტორმა ბირნბაუმმა განაცხადა, რომ კომპანია ჰოლდინგის ერთგული რჩება და მისი, როგორც პროექტის აქციონერის უფლებებით სარგებლობას გააგრძელებს.
E.ON-მა მარტში ასევე განაცხადა, რომ მილსადენში წილის ღირებულების კორექტირება უარყოფითად იმოქმედებდა საპენსიო რესურსებზე და წმინდა ვალზე, მაგრამ არ გამოიწვევდა ლიკვიდურობის პრობლემებს.