მიმდინარე წლის იანვარში საქართველოს 163 615 საერთაშორისო ტურისტი ეწვია. ტურიზმის ეროვნული ადმინისტრაციის მონაცემებით, გასული წლის იანვართან შედარებით ზრდამ 456%, ხოლო პანდემიამდელ 2019 წელთან შედარებით 53% შეადგინა.
წელს, გასული წლის იანვართან შედარებით 471% გაიზარდა საერთაშორისო მოგზაურთა (199 393-ვიზიტორი) ვიზიტი საქართველოში. საერთაშორისო ვიზიტორების რაოდენობა 2019 წელთან შედარებით 38%-ით არის აღდგენილი.
ტურიზმის ადმინისტრაციის ინფორმაციით, 2021 წლის 12 თვეში საქართველოში 1,577,463 საერთაშორისო ტურისტული ვიზიტი შედგა. 2019 წლის მონაცემთან შედარებით ტურისტული ვიზიტების 31% აღდგენილია. 2020 წელთან შედარებით კი ზრდა 45.1%-ს შეადგენს.