სათამაშოების უსაფრთხოების შესახებ ამოქმედებული რეგულაციიდან ერთი წლის შემდეგ, ბიზნესი აცხადებს, რომ ბაზარზე უხარისხო სათამაშოები კვლავ იყიდება. კერძო სექტორში აღნიშნავენ, რომ აღსრულება სათანადოდ ვერ ხერხდება, კეთილსინდისიერ კომპანიებს კი რეგულაციების ფონზე პროდუქციის გაძვირება უწევს. ბაზრის ზედამხედველობის სამსახურში კი ამბობენ, რომ კანონი ტოტალურ შემოწმებას არ ითვალისწინებს, უხარისხო სათამაშოების გაქრობას კი დრო სჭირდება.