მაშინაც კი, როდესაც სტიმული უქმდება და სახლში დარჩენის ეპოქა პიკს აღწევს, Reddit-ით და Robinhood-ით გაძლიერებული საცალო მოვაჭრეები საყურადღებო ძალად რჩებიან. მათი ფასების ვარდნის დროს შესყიდვის სტრატეგიის შედეგად, S&P 500 რეკორდულ მაჩვენებლებს აღწევს.

Vanda Research-ის თანახმად, საცალო მოვაჭრეებმა მხოლოდ ორშაბათს აქტივებში $2.2 მილიარდი დოლარი ჩადეს.

აღსანიშნავია, რომ DataTrek Research-ის მიერ ჩატარებული კვლევის თანახმად, როგორც ამ კვირაში გამოჩნდა, საცალო მოვაჭრეების გააქტიურების წინა ნიშანი Google-ის ძიების შედეგებია Dow-სთვის.

"წლების განმავლობაში ჩვენ აღმოვაჩინეთ, რომ ეს არის ყველაზე ხშირად გამოყენებული საძიებო სიტყვა აშშ-ში ბირჟასთან დაკავშირებული ნებისმიერი საკითხის შესახებ", - წერენ ნიკოლას კოლასი და ჯესიკა რაბი. მათი თქმით, მონაცემები ასევე აჩვენებს, რომ საცალო ინვესტორებმა გაითვალისწინეს ორშაბათის ფასების ვარდნა აქციებზე და ყველაზე აქტიურები სამშაბათის გახსნის შემდეგ გახდნენ.

”პოსტ-პანდემიური ხარის ბაზარი განაგრძობს საცალო ინვესტორების დაჯილდოებას სააქციო კაპიტალის რისკის ათვისების გამო. მოსალოდნელია, რომ საცალო ფული შემოდინებას განაგრძობს”, - განაცხადა მაიკ ბეილიმ, FBB Capital Partners- ის კვლევის დირექტორმა.

Bloomberg-ის ორიგინალური სტატიის ავტორი: სემ პოტერი