საქსტატის ინფორმაციით, საქართველოში რეგისტრირებული ავტომობილების რაოდენობა 2021 წელს 88 500-ით გაიზარდა. ზრდის უდიდესი წილი, 78 100 ერთეული, მსუბუქ ავტომობილებზე მოდის. გასული წლის მონაცემებით, საქართველოში სულ 1 477 376 ავტომობილია რეგისტრირებული.
საქართველოში რეგისტრირებული ავტომობილების უმეტესობის, 83%-ის ასაკი 10 წელს აღემატება. უშუალოდ გასულ წელს რეგისტრირებულ ავტომობილებში კი 10 წელზე მეტის 54 890 ერთეული იყო.
რეგისტრირებული ავტომობილების დიდი ნაწილი - 598 000 ბენზინს მოიხმარს, 273 000 - დიზელს, 142 700 - ბენზინსა და აირს, 1000 - აირს, 100 400 ავტომობილი ჰიბრიდია, 2 400 კი - ელექტრომობილი.