ვლადიმერ პუტინის უკრაინაში შეჭრის გამო Bloomberg-ი რუსეთსა და ბელარუსში ოპერაციებს აჩერებს.
კლიენტებს შეუჩერდებათ Bloomberg-ის ფინანსურ პროდუქტებზე წვდომა - მათ შორის ტერმინალზე, მონაცემთა ლიცენზიებზე, მონაცემთა წყაროებსა და ელექტრონულ სავაჭრო პლატფორმებზე.
საერთაშორისო სანქციების შესაბამისად, გამორთულია რუსულ ფასიან ქაღალდებზე სავაჭრო ფუნქციებიც. რუსული აქციები Bloomberg-ის გლობალური კაპიტალის ინდექსებიდან 9 მარტს ამოიღეს, ხოლო მისი ობლიგაციები ამოღებულია ფიქსირებული შემოსავლის ინდექსებიდან, რომლებიც თვის ბოლოს ბალანსდება.
შეჩერება არ იმოქმედებს Bloomberg.com-ზე.
4 მარტს Bloomberg-მა განაცხადა, რომ გააჩერებს ჟურნალისტების საქმიანობას რუსეთში მას შემდეგ, რაც პუტინმა ხელი მოაწერა კანონს ქვეყანაში დამოუკიდებელი ჟურნალისტიკის კრიმინალიზაციის შესახებ.
Bloomberg Philanthropies-მა დადო $40 მილიონის გამოყოფის პირობა საერთაშორისო სამაშველო კომიტეტისა და მსოფლიო ცენტრალური სამზარეულოსთვის უკრაინელებისა და ლტოლვილების მხარდასაჭერად. Bloomberg-მა ასევე გამოიყენა საკუთარი მიწოდების ჯაჭვი და იურიდიული რესურსები უკრაინის შემდგომი მხარდაჭერისთვის.
Bloomberg-ის ორიგინალური სტატია