ნიუ-იორკში საჯარო სექტორის 1400-ზე მეტი თანამშრომელი სამსახურიდან გაათავისუფლეს, რადგან მათ ვაქცინაციისთვის მიცემულ ვადაში აცრის გაკეთებაზე უარი თქვეს. მათგან უმეტესობა განათლების დეპარტამენტის თანამშრომელი იყო.
სამსახურიდან დათხოვნის საფრთხე 3000-ზე მეტ ადამიანს ემუქრებოდა, თუმცა ბოლო მომენტში ნაწილმა აცრა გადაწყვიტა.
ნიუ-იორკის მერი ერიკ ადამსი მათ გათავისუფლებას აფასებს, როგორც საკუთარი ნებით სამსახურიდან წასვლას.
"ჩვენი მიზანი ყოველთვის იყო ვაქცინაცია და არა გაშვება",- თქვა ადამსმა.
ვაქცინაციის მოთხოვნა გასულ კვირას ქალაქის ორი ათზე მეტმა პროფკავშირმა გააპროტესტა. მათ შორის იყო მასწავლებლების, პოლიციელებისა და მეხანძრეების გაერთიანებები.
ნიუ-იორკში საჯარო სექტორის თანამშრომლებისთვის ვაქცინაცია სავალდებულოდ ქალაქის ყოფილმა მერმა გასული წლის ოქტომბერში გამოაცხადა. ახალმა მერმა თანამდებობაზე მოსვლის შემდეგ განაცხადა, რომ წესის გაუქმებას არ აპირებდა.
აცრის მოთხოვნით, აშშ-ის ოფიციალური პირები ცდილობენ გაზარდონ ვაქცინაციის 64%-იანი მაჩვენებელი. ბაიდენის ადმინისტრაციამ ყველა ფედერალურ მუშაკის აცრა მოითხოვა, მაგრამ მოსამართლემ ეს წესი გასულ თვეს დაბლოკა. სხვა დიდმა ქალაქებმა, როგორიცაა ჩიკაგო და სან დიეგო ასევე მოითხოვეს თანამშრომლების ვაქცინაცია.
Bloomberg-ის ორიგინალური სტატიის ავტორი: ალისია დიასი