შაბათს ნიუ-იორკმა რეკორდული 90,132 ახალი Covid-19-ის შემთხვევა დააფიქსირა. შტატმა პანდემიის დაწყებიდან შემთხვევების 4 მილიონიანი ზღვარი გადალახა.
გარდაიცვალა 154 ადამიანი, რაც ერთ-ერთი ყველაზე მაღალი დღიური მაჩვენებელია თითქმის ერთი წლის განმავლობაში. ჰოსპიტალიზაცია გაიზარდა 11,843-მდე, შტატის ჯანდაცვის სისტემა კი მნიშვნელოვნად გადატვირთული რჩება.
ტესტირება წინა დღის მაჩვენებლიდან 425 782-მდე გაიზარდა , საიდანაც 21.17% დადებითი იყო. რიცხვი შეესაბამება წინა დღის პოზიტიურობის მაჩვენებელს.
Johns Hopkins University-ის და Bloomberg-ის მიერ შედგენილი მონაცემების მიხედვით, ნიუ-იორკი მეოთხე შტატია, რომელმაც ინფიცირების 4 მილიონიან ნიშნულს გადააჭარბა. სიაში კალიფორნიის, ტეხასისა და ფლორიდის შტატებიც მოხვდნენ.
Bloomberg-ის ორიგინალური სტატიის ავტორი: იან ფიშერი