საქსტატის წინასწარი შეფასებით, 2021 წლის ნოემბერში, წინა წლის შესაბამის პერიოდთან შედარებით, ეკონომიკა 12%-ით გაიზარდა, ხოლო 2021 წლის პირველი 11 თვის ეკონომიკური ზრდის საშუალო მაჩვენებელი 10.7%-ია.
2021 წლის ნოემბერში, წინა წლის შესაბამის პერიოდთან შედარებით ზრდა შემდეგ დარგებში შეინიშნებოდა: დამამუშავებელი მრეწველობა, ტრანსპორტი და დასაწყობება, ხელოვნება, გართობა და დასვენება, ვაჭრობა, სასტუმროები და რესტორნები, საფინანსო და სადაზღვევო საქმიანობა.
კლების ტენდენცია დაფიქსირდა მშენებლობის დარგში.
შეგახსენებთ, მთავრობა 2021 წელს ეკონომიკის 10%-იან ზრდას პროგნოზირებს.
საქსტატის დაზუსტებული მონაცემებით, პანდემიურ 2020 წელს საქართველოს ეკონომიკა წინა წელთან შედარებით 6.8%-ით შემცირდა.