ეკონომიკის მინისტრი, ნათია თურნავა აცხადებს, რომ საქართველოში არსებული პოლიტიკური სტაბილურობა ქვეყნის ეკონომიკურ განვითარებაზე დონორების ოპტიმისტური მოლოდინების ერთ-ერთი წინაპირობაა.
მისი შეფასებით, მომდევნო სამი წელი ქვეყანაში პოლიტიკური სტაბილურობა "გარანტირებულია".
"ჩვენ დიდი გამოწვევა გვქონდა, არჩევნები ჩავატარეთ და საკმაოდ მაღალი დემოკრატიული სტანდარტი ვაჩვენეთ - პოლიტიკური სტაბილურობა უახლოესი სამი წელი არის უზრუნველყოფილი და გარანტირებული. ეს არის ერთ-ერთი ის წინაპირობა, რაც საშუალებას აძლევს EBRD-ს, სხვა დონორებს, ჩვენს მეგობარ სახელმწიფოებს პოზიტიური ოპტიმისტური მოლოდინი ჰქონდეთ საქართველოს ეკონომიკურ განვითარებაზე",- განაცხადა ეკონომიკისა და მდგრადი განვითარების მინისტრმა.
ცნობისთვის, EBRD-მა საქართველოს ეკონომიკური ზრდის პროგნოზი 7.5%-მდე გაზარდა, ხოლო საქართველოს მთავრობა წელს 10%-იან ზრდას ელის.