ინდოეთის ორ შტატში, უტარახანდში და კერალაში, ასევე ნეპალის ნაწილებში ძლიერი წვიმის შედეგად 150-ზე მეტი ადამიანი დაიღუპა მას შემდეგ, რაც უხვმა ნალექმა ძლიერი წყალდიდობა გამოიწვია.
დაიხურა სკოლები, შეჩერდა რელიგიური და ტურისტული საქმიანობა. ათასობით ადამიანი ევაკუირებულია, 1600-ზე მეტი სახლი განადგურდა ან დაზიანდა.
სულ მცირე 50 ადამიანი დაიღუპა უტარახანდში, დაახლოებით 77 ადამიანი დაიღუპა ნეპალში, ხოლო ორივე შტატში ათეულობით ადამიანი დაკარგულად ითვლება. ინდოეთის კერალას შტატის სამხრეთით წყალდიდობამ 39 ადამიანის სიცოცხლე იმსხვერპლა.
კიდევ ექვსი ცხედარი იქნა ნაპოვნი ოთხშაბათს უტარახანდში, რის შედეგადაც დაღუპულთა რიცხვი ჰიმალაის შტატში, პოპულარული ტურისტული დანიშნულების ადგილას, 52-მდე გაიზარდა. განგი კალაპოტიდან გადმოვიდა და ნაინიტალის რეგიონი ძლიერ დააზიანა.
პრემიერ-მინისტრმა ნარენდრა მოდიმ დაღუპულთა და დაზარალებულთა მიმართ წუხილი გამოხატა: “ვწუხვარ ძლიერი წვიმის შედეგად დაღუპული ადამიანების გამო. დაე, დაშავებულები მალე გამოჯანმრთელდნენ”,- აღნიშნა მან.
კლიმატური კრიზისის გარდა, ძლიერი წვიმების მიზეზად, ექსპერტებმა დაასახელეს ჰიდროენერგეტიკული პროექტები ზემო ჰიმალაის კუნძულებზე და ციცაბო ფერდობებზე გადაჭარბებული და ხშირად უკონტროლო მშენებლობა, რაც ზიანს აყენებს რეგიონის მყიფე ეკოლოგიას.