ტექნოლოგიური აქციების გლობალურმა გაყიდვამ Samsung Electronics-ს ახალი დარტყმა მიაყენა. კომპანიის აქციების პერფორმანსი სამხრეთ კორეის ფასიანი ქაღალდების ბაზარზე მიმდინარე წელს მკვეთრად გაუარესდა.
მიმდინარე თვის განმავლობაში 3%-ზე მეტის დაკარგვის შემდეგ, კომპანიის აქციები იანვრის პიკის შემდეგ 21%-ით შემცირდა. ამასთან, ინფლაციის გავლენის შესახებ შფოთი ემატება მობილური ტელეფონების შენელებულ გადაზიდვებთან და DRAM ჩიპების მზარდ ფასთან დაკავშირებულ ღელვას, რაც აქციების ფასზე მოქმედებს.
Samsung-ის აქციები ზედიზედ მეოთხე თვეა ზარალს განიცდის, რაც 2018 წლის შემდეგ ყველაზე გრძელი წაგების სერიაა კომპანიისთვის.
მიუხედავად ამისა, კორეის ანალიტიკოსების ტონი ოპტიმისტური რჩება. Bloomberg-ის მიერ შედგენილი მონაცემებით, 45 ანალიტიკოსიდან 93%-ს Samsung-ისთვის პოზიტიური მოლოდინები აქვს. ანალიტიკოსები ელიან, რომ კომპანიის აქციების ფასი მომდევნო 12 თვის განმავლობაში 40%-ით გაიზრდება.
აღსანიშნავია, რომ Samsung-ის კონკურენტი Apple-ის აქციები იანვრის შემდეგ 9%-ზე მეტით გაიზარდა
Bloomberg-ის ორიგინალური სტატიის ავტორები: იშიკა მოკერჯი და იუკიონგ ლი